‫الرئيسية‬ تقنية إزاى تسوق لمشروعك online فى 7 خطوات بسيطة
تقنية - 26 مارس، 2019

إزاى تسوق لمشروعك online فى 7 خطوات بسيطة

إزاى تسوق لمشروعك online فى 7 خطوات بسيطة؛

1-حدد الفئة المستهدفة للمنتج أو الخدمة اللى إنت بتقدمها،
و إعرف أهدافهم الأساسية اللى عايزين يوصلولها، والعواقب اللى بتمنعهم من تحقيق الأهداف – اللى ليها علاقة بالمنتج أو الخدمة اللى إنت بتقدمها طبعاً – وإزاى المنتج أو الخدمة اللى إنت بتقدمها هتقدر تحل المشاكل دى.

2-إعرف إيه هى الموارد الموجودة معاك سواء بشر أو فلوس أو أى إمكانيات أخرى؟
وإعرف نقاط القوة والفرص اللى ممكن تستغلها؟ ونقاط الضعف والتهديديات وإزاى هتقدر تتغلب عليها؟

3-إدرس السوق كويس جداً، حدد المنافسين الأساسين والمحتملين ليك سواء online أو offline،
وحدد نقاط القوة والضعف عندهم وحاول تستخدم دا لصالحك.

4-من خلال النقاط الثلاث الأولى، إخلق Online Value Proposition أو ميزة تنافسية،
تتناسب مع إمكانياتك والموارد الموجودة عندك، تتميز بيها عن نقاط الضعف الموجودة عن المنافس،
وتناسب إحتياجات الفئة المستهدفة.

5-إعرف الـAudience بتاعك موجود على أى Platform أو منصة online،
وإدرس المنصة دى كويس، وإدرس الـTools الموجودة فيها، عشان تقدر تستخدمها فى تحقيق أهداف الـBusiness بتاعك.

6-حدد الأهداف الكبيرة الخاصة بالـMarketing بناءاً على الـBusiness Objective،
وقسم الأهداف دى لأهداف صغير، تطبق على الشهر ونصف الشهر،
وكن حريص على واقعية الأهداف دى.

7-إعمل Test وجرب فى حدود الإمكانيات المتاحة، لحد ما توصل لأفضل نتيجة،
وإشتغل بالأرقام بلاش تفترض.

أخيراً، لازم يكون عندك صبر على تحقيق النتايج.

اترك تعليقاً

لن يتم نشر عنوان بريدك الإلكتروني.