21 حاجه لازم تعرفها عن الناس اللى بتشتغل فى مجال الweb developer
21 حاجه لازم تعرفها عن الناس اللى بتشتغل فى مجال الweb developer

21 حاجه لازم تعرفها عن الناس اللى بتشتغل فى مجال الweb developer

” 21 حاجه لازم تعرفها عن الناس اللى بتشتغل فى مجال الweb developer “

1 – مش بنستحمل ضغط نفسى من العالم الخارجى تماما ! ايوه العالم الخارجى احنا عايشين فى عالم تانى خاص بينا مفيهوش كذب او خداع او مشاعر حتى 😉

2 – اصدقائنا المفضلين ( القهوة – السجاير ) بشراهه جدا ممكن نوصل ل 3 4 علب سجاير يوميا و 15 20 كوبايه قهوة ايوه متستغربش كوبايه الشوب بتاعت العصير مش فنحان 😆

3 – بيقولوا علينا مش بنتحمل المسئولية لأننا مش بنقدر نحافظ على علاقات الناس وبنستهتر بيها ومش بنحاول نكسب اصدقاء او نعرف ناس جديدة ( رغم ان نجاح اى مشروع هو مسئوليتنا )

4 – حياتنا هى شغلنا بمعنى اصح option الاجازات او الترفية مش موجود عندنا رغم اننا ممكن نخرج كتير بس بيبقى الخروج او السفر بالنسبالنا مكان جديد ( نشتغل فيه ) 😉

5 – فاشلين اجتماعينا جدا وعلاقتنا بتفشل بالناس بسهولة جدا ومش بنعرف نتعامل مع الناس لأن الناس بالنسبالنا مجرد كود برمجى بيمارس وظيفة معينة وممكن نستبدلة بكود برمجى جديد يعمل وظيفة تانيه فى وقت تانى 😀

6 – معظم عادات وتقاليد المجتمع مش مناسبة لينا ولا مقتنعين بيها ابدا الناس الطبيعيه عندها 1+1= 2 احنا عندنا 1+1=3 بإضافة 1 على ناتج الجمع 😛

7 – لما حد بيشرح مشروع قدامنا اول حاجه بنفكر فيها ازاى نقدر نطورة من ناحية شغلنا ك web developer 😀

8 – فى الحقيقة مش بنتكلم 3 4 كلمات على بعض وصامتين تماما رغم ان ع السوشيال ميديا رغايين وفى الفون رغايين جدا ولكن فى الحقيقه مفيش ( صمت تام ) 😉

9 – بنسمع الافلام مش بنشوفها نادر ما بنشوف فيلم ( مفيش وقت ) لكن ممكن نسمع افلام واحنا شغالين كمجرد وسيلة زى الراديو كده نسلى بيه وقتنا 😆

10 – طول ما فى شغل مش بنفكر فى اجازة ومهما اشتكينا بنتمنى يزيد اكتر لأن شغلنا هو حياتنا ❤️

11 – دايما ورا الكواليس ومش حابين حتى حد يعرفنا يكفى اننا بنقدر نقدم خدمات لأكبر عدد من الناس 😍

12 – قمة نجاحنا وفخرنا لما نستغل على project وانت تنجح بسببنا حتى لو مش هتفتكرنا
😊

13 – مفيش مواعيد نوم ولا صحيان اى وقت ممكن تنام اى وقت ممكن تصحى دايما ready

🤨
14 – لما بندخل شغل الـ web developer مينفعش نسيبه او نشوف شغل تانى للاسف مش بنقدر وسواء بقى فى ربح مادى او لا متقدرش تبطل او تمارس اى وظيفة تانية 😊

15 – بنسمع ناس بتشتمنا وممكن توصل للإهانه بسبب جهلهم بشغلنا او عدم تقديرنا ولكن لازم دايما يبقى الرد ( بخدمتك يا فندم ) ( تحت امرك ) 😥

16 – اغلبنا بيتكلم انجلش كويس جدا + لغات عربية متعددة زى الخليجى – اللبنانى – السورى – المغربى 😛

17 – عمرنا بيضيع وبينتهى واحنا سعداء بخدمتكم من غير تعب او ملل او روتين دايما مبتكرين اى جديد وفى وقت فراغنا الممتع لينا هو تعلم الجديد من لغات برمجة او طرق جديدة لإدارة السيرفرات ….الخ الخ 😊

18 – احوال البلد و السياسة مش بتشغلنا بأى حال من الاحوال ومش بنحب نتدخل فيها 🤨

19 – صعب جدا حد يضحك علينا ويقولك دوس على اللينك ده او يخترق الفيس بوك بتاعنا او يحاول يخترق الكمبيوتر الكلام ده بالنسبالنا احتماليتة 0% 😁

20 – ناس كتير بتزعل مننا عشان بننسى طلبات بس بيبقى مش بايدينا احنا حياتنا عبارة عن جدولة لمهمام عمل مش اكتر 😅

21 – اغلبنا مريض بالمراره و الوزن الزيادة والامراض النفسية اه و الله اه و الله اه و الله 😁

…..
وظيفة الweb developer مش سهله اطلاقا ومش تافهه اطلاقا
احنا بنصنع الويب اللى انت بتتصفحه
احنا مسئولين عن انك تدخل موقع تشوف افلام او اغانى او تلعب العاب او حتى تسمع قرأن
احنا مسئولين عن نجاح مشروعك وكيانك ولو كان المقابل ضياع عمرنا وحياتنا
احنا بنفرح بنجاحك وبنشوف ان ده هو نحاحنا
قواعد بياناتك مسئوليتنا :- البنوك – السجل المدنى – الشركات – الاذاعة و التلفزيون
احنا دايما ورا الكواليس بس موجودين فى كل مكان
عمرنا بيضيع لخدمتك وراحتك وبنضيع عمرنا واحنا سعداء فى خدمتك
مينفعش نبطل او نستقيل مينفعش يوم نقول لا
مجرد دخولنا مجال web developer احنا استغنينا عن كل حاجه وهنعيش حياتنا فى خدمتك ومفيش تراجع او استسلام وبينتهى عملنا بإنتهاء عمرنا …

عن Basel Seif

باسل سيف 26 سنة من مصر كاتب ومدون مهتم بمجال علم النفس و الأجتماع .

شاهد أيضاً

هل يمكن اختراق حسابك فى فيسبوك ؟ واليك طرق حماية حسابك

كثير ما نسمع ان فلان تم تهكير حسابة عبر فيسبوك بواسطة هاكر محترف فهل هذا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: