انا مصرى انت مين ؟
انا مصرى انت مين ؟

انا مصرى .. انت مين ؟

مش لازم ننسى :- 
– ان في مصر 13 ملايين شاب وفتاة تجاوزت أعمارهم 35 عاماً ولم يتزوجوا، منهم 2.5 مليون شاب 10.5 مليون فتاة فوق سن الـ35

– انك عشان تتجوز محتاج 300 الى 500 الف

– ان متوسط المرتبات فى مصر 1500 جنية شهريا لشغل 8 ساعات يوميا

– انك محتاج شهريا عشان تفتح بيت من 5000 ل 6000 جنيه

– ان شهادتك ملهاش اى لزمة فى مصر ولا خارج مصر عشان جامعات مصر خرجت من التصنيف وهتسافر برا تشتغل خدام ( ولو حابب تاخد شهاده محترمة محتاج سنويا 80 الي 100 الف جنيه )

– ان مفيش قانون وتجارة المخدرات والبلطجه فى الشوارع يوميا

– انك متقدرش تحوش لإن بكل بساطة سعر عملتك بيقل اسرع من سرعه تحويشك

– ان الاسعار بتزيد ودخلك ثابت ( ده لو عندك دخل اصلا )

– مفيش صحة والمستشفيات الحكومية بالمحسوبية ومعظمنا مريض واسعار الادوية ارتفعت و الادوية المصرية مميته ( عن تجربة )

– معندناش اعلام الاعلام مشغول بالتعر*ص واخبار الفنانين واستحاله دعم الافكار والمواهب وتوجيهها اعلاميا

– معندناش مصالح حكومية نظيفه ( لازم رشوة ومحسوبيه ) حدث ولا حرج انا بتعامل بالرشوة دائما عشان اخلص اى ورقه

– معندناش صناعات محلية حقيقية والاستراد اكثر من التصدير وبالتالى مربوطين بسعر الدولار واستحاله تركب عربية او تجيب موبايل نضيف لان بكل بساطه كله مستورد من برا

——-
وكأن كل هذا لا يكفى ؟ بالطبع لا يكفى فنحن ايضا كما ليس لدينا فلدينا الكثير وهو :- 

– لدينا شعب مريض مكبوت جنسيا
– لدينا شعب يؤمن بالعادات و التقاليد اكثر من الدين
– لدينا شعب يخاف الناس ولا يخاف الله
– لدينا جميع انواع التعر*ص
– لدينا فقر وجهل وجوع وتشرد
– لدينا فساد يكفى جميع بلاد العالم
– لدينا كره لبعضنا وحقد
– لدينا اكبر تجارة فى العالم وهى تجارة المخدرات ( فلا يوجد شارع يخلوا منها )
– لدينا من يمتلك الملايين ومن يأكل من الزبالة

………….( انا مصرى انت مين ؟ )………….

عن Basel Seif

باسل سيف 26 سنة من مصر كاتب ومدون مهتم بمجال علم النفس و الأجتماع .

شاهد أيضاً

مِسّ إنشراح : نحنُ مُتأسفون جداً جداً .

– مِسّ إنشراح : نحنُ مُتأسفون جداً جداً . 💔 – بين جُدران غرفة مُوحشّة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: