نوبات الخوف
نوبات الخوف

كل ما تريد معرفته عن نوبات الخوف و الهلع PANIC ATTACK وطرق علاجها

PANIC ATTACK نوبات الهلع

كل ما تريد معرفته عن نوبات الخوف وطرق علاجها

كتير مننا بيبقى عنده نوع من انواع الخوف الحاد اللى ممكن يوصله لمرحلة عدم الخروج من البيت

مثلا فى ناس بتخاف من التجمعات وناس بتخاف من موقف معين انه يتكرر او او او ..
الخوف المرضى مرض نفسى زيه زى اى مرض عضوي
زى البرد مثلا !!وفى الاغلب من الاساس بينشأ من موقف واجهت فيه خوفك
او من موقف مريت بيه حسيت برعب فيه او خوف من حاجة معينه
وفى بعض الحالات بيكون ناتج عن نقص مادة السيروتونين فى المخ
فالدكتور بيلجىء للادوية مضادات الاكتئاب و المهدئات
ليه ؟
مضاد الاكتئاب بيشتغل على زياده افراز مادة السيروتونين فى الدم
والمهدىء النفسى بيشتغل على انك تنام
والبيتا بلوكر اللى هو نوع من ادوية القلب بيظبط ضربات القلب عشان طبعا من اكتر اعراض مرض الخوف الحاد شيوعا هو زيادة نبض القلب

الموضوع ملهوش علاقه بالدين تماما !!

يعنى مش لما تصلى الخوف هيروح
ولا لما تقرأ قرأن الموضوع هينتهى
بالعكس ممكن يزيد معاك الامر لوسواس قهرى

ازاى تتعالج من الخوف !؟
مش عاوز اقول كلام تنمية بشرية ملهوش لزمة ولكن !
اول خطوة فى علاج الخوف انك تعرف ان ده مرض مش جن ولا شعوذه
وان انت اقوى منه ودى فتره مؤقته زيه زى البرد
– اصنع هدف لنفسك حتى لو مسلسل تتابعه يوميا
– قاوم خوفك اعرف ان عقلك بيشتغلك مش اكتر
– اشرب كميات كويسه من الماية
– مارس اى نشاط بتحبة
اهم حاجه فى العلاج تواجه خوفك
هنفرض مثال صغير لو انت مريض رهاب اجتماعى
هيبقى اول تجربة تتكلم قدام واحد صحبك وبعد كده 2
وبعد كده 10 من صحابك وبعد كده 20 من صحابك وبعد كده تتكلم فى قاعه كبيره فيها 200 شخص وتقاوم مشاعر الخوف هتحس بثقه فى نفسك هينتهى تماما المرض

ازاى تتعامل مع مريض الخوف الحاد ؟
– حسسة دايما بالدعم
– متحسسهوش بخوفك عليه نهائى
– بلاش تقوله قوم صلى واقرا قران والله ممكن ينتحر
– خليك داعم له وحسسه ان خوفه من حاجات انت كمان ممكن تخاف منها بس مش بنفس الدرجه
– بلاش تلومه ابدا
اما الادوية النفسية فهى قد تساعد فى بعض الحالات وليس كل الحالات
والدواء وحده ليس له فائدة نهائى الا بالعلاج السلوكى المعرفى و العلاج التعريضى فى حالات الخوف و الوسواس و الاكتئاب
وفى النهاية اتمنى ليكم حياة نفسية سعيدة 🙂

عن Basel Seif

باسل سيف 26 سنة من مصر كاتب ومدون مهتم بمجال علم النفس و الأجتماع .

شاهد أيضاً

طفلي مشخص بالإكتئاب، ماذا أفعل الآن

نصائح  للتعامل مع اباء الأطفال والمراهقين المصابون الاكتئاب ، في مرحلة الطفولة،  في المنزل والمدرسة. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: