22 صفة
22 صفة

22 صفة يجب ان تتقنها فى التعامل مع المرأة

22 صفة يجب ان تتقنها فى التعامل مع المرأة

ال22 صفة دول المفروض يكونوا حاجة اساسية فى تعاملك مع ( حبيبتك – خطيبتك – مراتك ) دى صفات اساسية المفروض تبقى فى اى راجل عاوز تزود عليهم انت زود

1 – اهتم بتفاصيلها كلها واسمع حتى المواضيع التافهه اللى متخصكش
2 – صحيها على رساله حلوة منك فيها كلام حلو كتير
3 – متعليش صوتك عليها ابدا ولا تخوفها منك وتخليها تعمل حاجه من وراك او تخاف تحكيلك
4 – هاتلها بين كل فترة هدية ( مش شرط هدية غالية ) لو وردة صدقنى البنت هتفرح بيها
5 – متبقاش راجل ( شهوانى ) وتفكيرك كله فى حاجة واحدة وافتكر ان البنت دى ( بنتك – اختك – امك – صحبتك – حبيبتك ) << لاحظ حبيبتك اخر حاجه مش اول حاجة
6 – اوعى تهينها بجد او تشتمها او تمد ايديك عليها
7 – مش عيب لما تبقى معاها طفل وبسيط وتشرحلها اى حاجه تسإلك فيها لو 100 مره
8 – اوعى تسيبها تنام معيطة او زعلانه
9 – الاهتمام الاهتمام الاهتمام قلة الاهتمام يدمر الصحة ويسبب الوفاه =D اهتمامك بيخليها تبقى اجمل واحلى وتهتم هى كمان بنفسها البنت زى الوردة بتدبل لو بطلت ترويها
10 – قولها دايما كلام حلو ومهما عملت متتعصبش خليك هادى واتعامل بمبداء انها طفلة مهما كان سنها البنت طفلة
11 – هاتلها ورد هاتلها بلالين هاتلها شوكلاته اه و الله البنت بتفرح بالحاجات دى اوى
12 – اهتم بمظهرك ك راجل وبنضافتك الشخصية يعنى ميبقاش ريحتك مقرفه وعرق وتقولها بحبك ايا كان شكلك ك راجل فى اساسيات ريحة البرفيوم مظهر لبسك ( مش لازم يكون WOW او غالى ) ومش شرط حتى تكون عامل فورمة الساحل ولا واد مز ) لكن فى اساسيات لون لبسك – البرفيوم – اختيار لبس يناسبك حتى لو من الوكاله القميص ابو 40 جنيه
13 – متروحش تقولها فى التليفون انتى فين احبيبت البى انا عجنن عشانك
14 – متزعقش قدامها ولو حصل موقف هتضطر تعمل فيه حركة روجولية او تشتم او تتعصب متخليهاش تشوفك وتخاف منك ( اعتبرها بنتك يا اخى )
15- انا عارف ومدرك تماما انك ملكش علاقه بموضوع بنت خالها خميس اللى فشكلت الخطوبه بسبب 10 جرام دهب لكن لازم تسمع وتهتم لإن لو البنت اعتبرتك باباها صدقنى هتستغنى حتى عن صاحبها فى الحالة دى انت هتبقى صاحبها وصحبتها ولازم تسمع ( وانت لو بتحبها حرفيا مش هتزهق من قصه عم خميس )
16 – خليك بسيط بلاش تعمل نفسك سوبر مان او بطل خارق صدقنى هى بتبقى حفظاك اكتر من نفسك وبتحبك بعيوبك اصلا حتى لو الناس كلها شيفاك شخصية مش حلوه
17 – متكسرهاش و متكسرش قلبها ابدا مهما حصل صونها ومتبعدش عنها طمنها حسسها بامان وحسسها دايما انك شاريها
18 – شاركها تفاصيل يومك كاملة مش عيب ولا حرام دخلها فى كل حياتك وشاركها كل حاجه مهما كانت تافهه
19 – لما تكون مشغول جدا مفيهاش حاجه لما تبعتلها رساله الرساله ب ( 14 قرش ) ممكن تبعتلها رساله تقولها وحشتينى – بحبك صدقنى ده هيحسسها بحاجات كتير جدا وهيفرق معاها كتير =D
20 – غير عليها لكن اوعى تشك فيها – علمها الصح من الغلط ولكن اوعى تشتمها او تمد ايدك عليها
21 – دايما خلى ( حضنك ) هو الSafe House بتاعها
22 – مش عيب لما تقول اسف او تعترف بغلطك ده هيكبرك فى نظرها اكتر ومش عيب لما تعرف قدر نفسك انا ظروفى 1 2 3 4 ومتوعدش بحاجه مش قدها ابدا

عن Basel Seif

باسل سيف 26 سنة من مصر كاتب ومدون مهتم بمجال علم النفس و الأجتماع .

شاهد أيضاً

اذا كنت تعانى من سمنة مفرطة اليك الحل

خسارة اكثر من نصف وزنك خلال 90 يوم اغلبنا كمصريين نعانى من زيادة وزن وزيادة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: