قلوب مستهلكة
قلوب مستهلكة

” قلوب مستهلكة ” قلوب لا تبالى لفراق او لقى ولا بترق لكلمة حلوة

القلوب المستهلكة قلوب لا تبالى لفراق او لقى ولا بترق لكلمة حلوة ولا حتى بتشوف الفعل الحلو مش معنى كدة ان القلوب دى ماتت او خلاص معدتش بتحب تانى لكن القلوب دى استهلكت عمرها الافتراضى انتهى خلاص معدتش قادره تدى اى مشاعر تانى ولا قادره تنبض بالحب من جديد استهلكت فى علاقات فاشله استهلكت فى مشاعر وهمية مبقاش عندها ولا فيها طاقة تانى لأى تجربة جديدة .

اصحاب القلوب المستهلكة : هما مش باردين ولا محبطين ولا عندهم لا مبلاه ربما يكونوا فى الحقيقة ناجحين جدا على ارض الواقع فى الحياة العملية ولكن مشاعر الحب عندهم استهلكت خلاص معدش فى غيره تانى ولا احتواء ولا اهتمام يقدروا يستهلكوه مع اى انسان مهما كان مثالى مهما كان مناسب مهما كان فيه كل حاجه جميله

التجارب : كل تجربة حب بنمر بيها او اعجاب بتستهلك من قلبنا حتى لو بشكل مش مباشر حتى لو مش حاسين بده اول حب عمره ما بيكون زى اخر حب كل علاقه حب بندخل فيها بتسحب من قلوبنا بتسحب من مشاعرنا بتستهلكها بتضيعها المشاعر مش متجددة المشاعر بتستنفذ زى الدم بالظبط وبالتالى لما تستهلك كل المشاعر دى على قلوب متستاهلش مشاعرك بتخلص وبتتحول لأنسان بارد مش شايف ولا حاسس بأى مشاعر حب فى قلبة لأى شخص مهما كان ومهما عمل

متضيعش مشاعرك على اى علاقه حب فاشله

انسحب مش عيب لما تنسحب متخافش من نظره اللى بتحبه ليك ولا نظره المجتمع طالما شايف فشلها قبل بدايتها متخافش انسحب لان مشاعرك لما تموت مش هتعرف تصحيها تانى طالما انت مش مقتنع ولا حاسس الشخص اللى بتحبه وشايفه انه مش هينفع يكمل معاك من البدايه انسحب مهما كان الجرح هيبقى اهون من انك تكمل مع حد مش حاسس بيك او هتكون النهايه موت مشاعرك وتتحول لانسان صاحب قلب مستهلك ضاع على علاقات فاشلة

لما تقرر تحب حد من الناس اللى قلوبها مستهلكه ومعندهاش مشاعر

الناس دى بتبقى صعبه اوى اوى فى مشاعرها لانها ماتت عشان تصحى مشاعرها من جديد اشبه بالمستحيل وعلى اول صدمة جديده منك او فعل غير متوقع سهل جدا يكرهوك عشان كده لما تقرر تحب حد من الناس اللى مشاعرها مستهلكه دى لو شايف نفسك مش هتقدر تكمل وتظلمه زى اللى قبلك ابعد عنهم احسن لان مشاعرهم هتاخد وقت طويل لحد ما تصحى تانى ولو انت سبتهم بعد كده الناس دى مش هتعيش بس مجروحه دى ممكن تموت لما تفكر تحب حد من الناس اللى مشاعره مستهلكه متتوقعش منه انه يبادلك نفس المشاعر متتوقعش منه انه حتى يهتم بيك لازم انت تطمنه وتحافظ عليه وتوريله كل حاجه حلوه عشان عقله وقلبه يؤمن بيك انك فعلا مش هتسيبه وفعلا مش هتعمل زى اللى قلبك لازم تحتويه وتخلى بالك منه وتعامله بما يرضى ربنا الناس دى عايشه فى وسطنا زينا زيهم ويمكن قدام الناس شايفينهم اكتر ناس فاهمه الحب وعارفاه لكن عمرهم ما يحبوا بسهوله لان مشاعرهم خلاص استهلكت وعايشين وراضيين موجوعين مسجونين فى الذكريات وساكتين .

عن Basel Seif

باسل سيف 26 سنة من مصر كاتب ومدون مهتم بمجال علم النفس و الأجتماع .

شاهد أيضاً

مِسّ إنشراح : نحنُ مُتأسفون جداً جداً .

– مِسّ إنشراح : نحنُ مُتأسفون جداً جداً . 💔 – بين جُدران غرفة مُوحشّة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: