فئة معينة من الناس

فئة معينة من الناس

– مش بتتدخل فى اللى ملهاش فيه طالما ميخصهاش
– مش بيتخانقوا فى الميكروباص عشان جنية او نص جنيه حتى لو الجنيه ده اخر جنيه معاهم
– مش بيشوفوا شكل الناس بيتعاملوا مع ارواح الناس بس
– لما بيزعلوا مع حد مش بيعرفوا يعاتبوه الا لو عزيز عليهم اوى لكن لو مش عزيز عليهم بيختفوا مره واحده
– مفيش حاجه بتضايقهم فى حياتهم الا الضغط النفسى
– ممكن يعيطوا من كترة الضغط النفسى او يناموا
– كل امانيهم فى الدنيا حياة هادية – حب – سفر – موسيقى
– مش بيؤمنوا بالعاهات و التقاليد نهائى
– حياتهم بسيطة ممكن تكون متعتهم فى كوبايه قهوة – شوكلاته – تدخين سيجارة – سماع اغانى معينة خاصة بيهم ( يمكن محدش بيسمعها غيرهم ) – الاستمتاع بقراية كتب – الرسم – عزف الموسيقى – الخ الخ
– بيعشقوا التفاصيل جدا وبيحفظوها وبيهتموا بيها جدا جدا
– بيملوا بسرعه من الصحبة اللى دمها تقيل وبيتجنبوا الناس الروتينية
– متعتهم وهما لوحدهم وفى حالهم ومحدش بيتدخل فى حياتهم
– كلامهم دايما قليل فى الطبيعه ونادر ما بيكونوا رغايين الا مع حد قريب منهم بس
– بيحبوا الحياة البسيطة ( جمب البحر – فى مكان هادى ) ولو مفيش مكان هادى بيستقروا فى اوضتهم من غير خروج
– معندهمش مانع يخرجوا كل يوم ويرجعوا الفجر ومعندهمش مانع برضوا يقعدوا فى البيت 3 4 شهور من غير خروج نهائى
– بيساعدوا كل الناس ويعملوا خير بإحساس سعيد مش عشان حد يعرف انهم بيساعدوا او بيعملوا خير ومش بيفرق معاهم الناس تفهمهم صح او غلط المهم منظرهم قدام نفسهم
– ممكن يزعلوا من سبب انت نفسك مش شايفه !! ممكن من كلمة يعيطوا ويزعلوا ويفكروا فيها شهور حتى لو انت شايف الكلمة دى عاديه بالنسبالك

الناس دى كل امانيهم فى حياتهم بسيطه ان محدش يتدخل فى حياتهم او يضغط عليهم نفسيا ان محدش يرهق نفسيتهم او يحسسهم بقله قيمتهم الناس دى حساسه جدا لأى حاجه الناس دى طلباتها بسيطة تتلخص انك ( تسيبهم فى حالهم ) هما ليهم دماغ لوحدها ومرتاحين جدا وراضيين عن نفسهم و الله ( بس انت ملكش دعوه بيهم )
الناس دى طيبين بجد وبتاخد منهم المشاعر ( pure ) نفس المشاعر اللى عند الطفال لو حبوا بيحبوا ولو كرهوا بيكرهوا الناس دى فى اغلب حياتهم ناجحين جدا وحتى لما بيفشلوا بيحاولوا تانى وبينجحوا المهم محدش يضغط عليهم نفسيا
الناس دى ممكن تبيع الدنيا لمجرد راحتهم النفسيه ( مترهقهمش نفسيا )

للاسف الناس اللى مش فاهمه ومقدره الكلام ده بتتريق علينا وبيضحكوا على ردود افعالنا ازاى بنزعل من حاجات تافهه او بنضايق من كلمات عادية ممكن اى حد يستحملها بس احنا لا
للاسف مش بيؤمنوا او بيقتنعوا بالاسباب اللى احنا اصلا بنزعل منها وبيشوفوا اننا تافهيين جدا .

بس ميعرفوش احنا حلوين قد ايه ❤️🌷

عن Basel Seif

باسل سيف 26 سنة من مصر كاتب ومدون مهتم بمجال علم النفس و الأجتماع .

شاهد أيضاً

مِسّ إنشراح : نحنُ مُتأسفون جداً جداً .

– مِسّ إنشراح : نحنُ مُتأسفون جداً جداً . 💔 – بين جُدران غرفة مُوحشّة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: