انت متخيل كام حياة بنت انتهت بالانتحار بسبب الخوف من لقب " مطلقة "

كام حياة بنت انتهت بالانتحار بسبب الخوف من لقب ” مطلقة “

  • انت متخيل كام حياة بنت انتهت بالانتحار بسبب الخوف من لقب ” مطلقة “

وكام واحدة قتلت جوزها ودخلت السجن بسبب الخوف من لقب ” مطلقة “متخيل ان عدد الخيانة الزوجية فى المجتمعات العربية فى تزايد مستمر بسبب الخوف من لقب ” مطلقة ” ( مش بلومك انتى جريتى لاقرب حضن لما الانسان اللى المفروض يكون سندك كسرك )
حالات القهر و الإهانة و التعدى بالضرب وقتل طفولتك كأنثى وللاسف مينفعش تنهى الحالة دى لإنك هتحصلى على لقب “مطلقة ”
– مينفعش تطلقى المجتمع هيشوفك وحشة ” مطلقة ومش بنت وممكن تعمل اى علاقة ”
– مينفعش تطلقى اهلك هيشوفكى تقيلة عليهم ” دول ما صدقوا يجوزوكى ”
– مينفعش تطلقى عشان فى اولاد بينكم ” حرام مصيرهم هيبقى ايه ”
– مينفعش تطلقى محدش هيتجوزك ولا هيقرب منك الا لمصلحة بس
” السؤال هنا فين حياتك كإنسانة ليكى كيان واحساس ومشاعر وشخصية مستقلة عن باقى الناس ؟ انتى مش جماد ( المجتمع مش هيحس بالجزئية دى لإن انتى بالنسبالهم مجرد اله لإسعاد الرجل والخضوع له بدون رحمة او حتى شفقه ) ”
لقب ” مطلقة ” مش عيب ولا حرام ولا هيقلل من قيمتك كمرأه حتى لو اختلف المجتمع معك فى النقطة دى !
– المجتمع مش هيشفعلك عند ربنا لما تنهى حياتك وبالعربى ( محدش هيهتم )
– المجتمع مش هيطلعك من سجنك لما تقتلى جوزك ولا هيشفعلك يوم القيامة عند رب العباد
– لما تخونى جوزك متضطره ( المجتمع مش هيغفرلك وهيشوفك عاهره )
– محدش هيحس بيكى او بالدوافع اللى اتضطرتك ترتكبى فعل سواء حلال او حرام
– المجتمع مش هيعوضك عن عمرك اللى ضاع ( حياتك غالية )
– لما تفنى حياتك عشان اولادك وتستحملى وتعيشى متفكريش انهم هيطلعوا اسوياء او مستقريين نفسيا للاسف من كتر المشاكل بينك وبين جوزك هيطلعوا مختلين نفسيا هتكتشفى انه كان افضل لو عاشوا مع شخص واحد منكم بدون ضغط نفسى او مشاكل
” النظرة المتخلفة للمرأه المطلقة هى نظره ملهاش اساس من الصحة تماما مجرد نظره سطحية بدون احساس او وجه من اوجه الرحمه “

  • الناس بتضحى بعمرها عشان تغير فكرة وعشان تكتسب حريتها

حاربى المجتمع انتى قوية متقبليش بالذل و الإهانه متضحيش عشان اى سبب
Life Has No Ctrl + Z
مش هتدوسى على زرار ترجعى عمرك وشبابك اليوم اللى بيمر مش هيرجع تانى ابدا بأى شكل من الاشكال
انتى مش اقل من الراجل فى شىء تماما احساس التعود ان حد مسئول عنك هينتهى بمجرد ما تعتمدى على نفسك بعد الإنفصال
” الجواز بشكل عام زى اى موضوع شراكه فى مشروع مثلا لو حسيتى ان شريكك هيبداء ينصب عليكى او ياخد حقك او يدوس على حريتك فالحل بيكون فسخ عقد الشراكه اللى بينكم مهما كانت الخساير مش هتكون اكثر من خساير العمر ”
تحررى من قيودك انتى تستاهلى تكونى حرة وتستمتعى بحياتك ❤️
Be Free 🌸

عن Basel Seif

باسل سيف 26 سنة من مصر كاتب ومدون مهتم بمجال علم النفس و الأجتماع .

شاهد أيضاً

ما هى حقوق المرأة ؟

ماهي حقوق المرأة ؟ الحقوق المدرجة تحت مظلة حقوق المرأة تعددت الحقوق التي اكتسبتها المرأة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: