جيل الطيبيين

جيل الطيبين يعنى ايه اطفال ويعنى ايه تربية ويعنى ايه زوج

” جيل الطيبين او جيل التمانينات  “

عاوز اتكلم النهارده فى كارثة بتواجه مجتمع ..
جيل الطيبين ” او ” الزمن الجميل ” او اى اسم بيطلق عليه ده مكنش زمن جميل ولا نيله !
اسواء مرحلة كانت فى الحياة كلها كانت القرن الماضى لحد اللحظه دى ..
80 % من كل مرض نفسى ملهوش علاج وكل تصرف بنعملة او طبع سىء فينا للاسف خدناه من الجيل القديم وكل عقده نفسية نشأت من الجيل ده .. طبعا بعد الكلمتين دول انت عاوز تشتمنى صح ؟ خصوصا لو انت من الجيل ده 🙂 طيب ممكن تناقشنى بالعقل ؟؟ وانا هقبل رأيك ..
هنقسم المجتمع 3 طبقات ( طبقة فقيره – طبقة متوسطة – طبقة مترفهه ) تمام ؟
نرجع لموضوعنا تانى …
– الجيل اللى كان فيه المرأه ملهاش اى لزمه غير مجرد اله للجنس
– اللى الشاب اتربى فيه ان الخيانه عادى بالنسباله ولكن حرام للست
– اللى الاب كان بيمارس فيه سلطة الاله وتقف الام مكتوفة الايدى
– اللى كانوا بيتحكموا فيه فى البنت من اول الختان الإجبارى لحد الجواز وبيتحكموا فى الشاب من بدايه ولادته لحد دراسته وتعليمة وحياته كاملة حتى فى إختيار شريكة عمره
– الجيل اللى كان بيعامل اولادة بإهانه ومش من حقهم يكون ليهم رأى او حتى صوت
– الجيل اللى كان الأب بيعمل كل حاجه حرام بس لو قفش ابنه بيشرب سيجاره ينزل بالحزام على جسمة لحد ما جسمه يبقى ازرق من الضرب
– الجيل اللى لازم الابن يمارس فيه نفس شغلانه الاب او الاب يصر يطلعه افضل منه عشان يتباهى بس بيه قدام الناس بالإجبار
– الجيل اللى مقتنع دايما انه صح واى رأى مخالف لرأيه لازم يبقى غلط
– الجيل اللى علم الشاب ان يعيبه جيبه بس والبنت يعيبها قبحها
– الجيل اللى خلى البنت تتجوز عشان تهرب من اهلها ومن خنقتهم والشاب يتجوز لرضاء والدته ( اللى والدته تختارهالوا وتكون مناسبة )
== مهما كانت ” طبقة ” الجيل ده فهى صنعت 3 فئات
1 – فئة الفقراء ( حرامية – مرتشين – مجرمين ) او ناجحين مع عقدة نقص بتطلع عن تولى المناصب او تغيير الوضع المالى
2 – الفئة المتوسطة ودى كانت اكثر اعتدال ولكن مضافتش جديد نهائى طلعت شاب وبنت مريضة نفسيا ومدمره نفسيا وعقلها ملىء بالمعتقدات الخاطئة
3 – الفئة المرفهه وللاسف الشديد ( مدمنى المخدرات – وعاشقين سهرات وفتيات اليل )
وطبعا كل فئة من دى لما بتمارس حياتها الطبيعيه ( زواج + انجاب ) = تشويه لجيل جديد اخر .. وهكذا هكذا هكذا الى مالانهاية
فالجيل الماضى بث كل معتقد خاطىء وتربية خاطئة تعرضوا لها مع اهلهم الى اولادهم واذا حاولوا ان يكونوا عكسها فيكون ايضا تربية خاطئة فليس من الصواب عدم تأديب الطفل او تأديبة بالضرب الاثنين مساويين عدم التأديب او الإهانه فى التأديب …..
الحقيقة المره نسبة الطلاق فى مصر اكبر من نسبة الجواز بكتير جدا وعدد المطلقات ضخم جدا !! بسبب الفشل فى الارتباط وعدم معرفه حقوق الزوج لزوجته وحقوق الزوجة لزوجها
— على الهامش : الجيل القديم مش فاهم ان احنا فعلا متطورين بكل بساطة ( كتاب 2000 صفحة فى مادة يتذاكر فى 6 شهوردلوقتى نقدر ندرس الماده كلها فى 3 ساعات على اليويتوب اى معلومه بنحتاجها بنرجع للانترنت مش بنحتاج نضيع وقت ونروح مكتبة مثلا عشان معلومه او عشان نعمل بحث بالتالى الجيل القديم ضيع عمره كله كله فى حاجات احنا نعملها فى سنة واحده بس !!
فتخيل احنا قد ايه متطورين ؟؟
ولكن للاسف جوانا الجزء اللى عشناه فى طفولتنا و التربية الخطأ اللى شوفناها من اهالينا واثرت فينا مهو اى حاجه بتحصل فى الطفوله بتتجسد فيك دايما خوفك من ابوك بيفضل موجود لحد ما تعجز وتبقى قدة وحتى لما يموت هتفضل خايف منه ولو طلعلك شبحه من التربة هتطلع تجرى منه وتفتكر كل حاجه وحشه كان بيعملها معاك وحتى لو جالك فى الحلم هيبقى كابوس مش حلم …
== انت بتقول كل ده ليه يا عم انت عاوز ايه ؟؟
– انا مش عاوز حاجه غير اننا نحتفظ بهويتنا وكيان جيلنا ونحافظ عليه مش عاوز غير ان اى حد بيفكر يتجوز يفهم يعنى ايه جواز ويعنى ايه اطفال ويعنى ايه تربية ويعنى ايه زوج ويعنى ايه زوجه ويعنى ايه دين ويعنى ايه عادات وتقاليد = ملهاش لزمة وان الدين هو الصح مش العادات و التقاليد و ان لازم تعرف ان الذنب اللى بتعمله متخافش منه طالما عملته وخرا ع المجتمع اللى عاوزه ان كلنا منخافش الا من ربنا مش من مجرد سمعة ولا مجتمع مريض معاق من الاساس عاوز الجيل القديم يعيد نظرته فى تربية اولاده وقد ايه ظلمهم ووجعهم نفسيا ودمرهم جامد اوى عاوز الجيل القديم يسمع لينا ويحس بينا واد ايه احنا بنعانى اوووووى و الله العظيم احنا بننزف نفسيا عارف ان بعد كلامى ده كله محدش هيسمعه ولا حد هيهتم خصوصا من جيل الطيبين ايوه هو كان جيل طيبين لإنه هو كمان ضحية وانا ضحية وانت ضحية وكلنا ضحايا .. احتفظ بهويتك وبكيانك انت انسان مخير هتتحاسب يوم القيامة قدام رب العالمين على كل حاجه .. حياتك ملكك لوحدك مش ملك حد تانى ولا حتى ملك اهلك ..
( #ملحوظة : انا بتكلم عن نسبة اكبر من 80% ولكن فى فئة قليله من جيل الطيبين صنعت فعلا جديد متزن نفسيا بدون اى تشوهات )

عن Basel Seif

باسل سيف 26 سنة من مصر كاتب ومدون مهتم بمجال علم النفس و الأجتماع .

شاهد أيضاً

مِسّ إنشراح : نحنُ مُتأسفون جداً جداً .

– مِسّ إنشراح : نحنُ مُتأسفون جداً جداً . 💔 – بين جُدران غرفة مُوحشّة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: