رفقا بالنساء فهن كالقوارير

رفقا بالنساء فهن كالقوارير .

 

البنت دى تنكة اوى بصراحة ودمها تقيل وكل ما اقولها كلمة حلوة او بحبك تقولى شكرا وتعاملنى بقرف اوى لا انا هخلع منها يا عم دى بارده اوى مش هستحمل كده دنا جيت امسك ايديها قالتلى لا ( بس انت رفضت التانيه عشان كانت بتحبك وبترضيك بكل حاجه )
– البنت دى مرمية عليا اوى واول مقولتلها بحبك قالتلى بحبك دنا مسكت ايديها وحضنتها وحصل بينا ……. لا انا هبعد عنها يا عم ( مع انك انت اللى قربت منها وهى صدقتك )
– انا غلطت مع البنت دى يبقى هسيبها وامشى ( اصل طالما ضعف معايا هتضعف مع غيرى متجوزش واحده غلطت معاها ) مع انك انت نفسك اللى غلطت معاها وفضلت تلعب بدماغها !
.
فى الاغلب دى شخصية معظم الشباب المصريين باستثناء الشباب اللى بتحكى انجازتها الزباله لشباب صحابهم طبعا ودول مينتموش لأى فئه من الرجال اصلا
.
الشاب المصرى عنده ( ازدواجية فى المعايير ) بشكل غريب وطبعا ده بيتناسب طرديا مع النظرة للبنت المصرية اللى مسحوا كيانها بشكل كامل وبقت مجرد ( الة للخدمة – الجنس – تلبية احتياجات الرجل فقط )
.
نوعية : فى نوعيه من الشباب بيقيموا البنت بلبسها او انها ملهاش تجارب وده اكبر خطأ البنت لو عاوزه توقعك وتتجوزها بعد يومين هتقدر لانها بكل بساطة هتكذب عليك وتعيش عليك دور مختلف نهائى وانت هتصدق على فكره فى مقابل ان ممكن انسانه تحبك وتعترفلك بكل حاجه وانت تبعد عنها بسبب ماضى <<< انه الرجل الشرقى المعقد 
.
البنت كيان : البنت كيان وتقدر تعمل اى حاجه انت تقدر تعملها وبشكل افضل منك ولكن انت هتخاف تعترف بالحقيقة دى عشان مرضك الذكورى هيخاف انها تبقى احسن منك
احساس : لازم لما تتعامل مع البنت تعرف ان هى زيها زيك بالظبط ولكن المجتمع عمل حدود لحريتها البنت ليها احتياجات ومتطلبات زيك وبتحب وعندها مشاعر زيها زيك بالظبط وممكن تعبر عنها ممكن تقولك ( انا بحبك ) مش ضعف منها ( ممكن تحس بالامان فى حضنك او فى لمسة ايديك )
على فكره زى ما انت بتمشى تعاكس بنات الناس البنت ممكن تشوف شاب وتعجب بيه بس مش هتمد ايديها ولا هتقوله اى لفظ ( هيبقى اعجاب فى داخلها )
البنت مش معصومه من الخطأ ولا هى ملاك من السما البنت زيها زيك بتغلط وبتتوب وعندها مشاعر واحاسيس وللاسف معظم احسايس ومشاعر البنت قتلها المجتمع بإسلوب الاجبار واسلوب ( العيب و الحرام ) حتى لو اللى بتعمله مش عيب وحرام
.
حقايق : على فكره مجتمعنا فيه الاف واذا لم يكونوا ملايين من حالات الخيانة الزوجية !
ولكن غير معروفة خوفا من العار و الفضيحة وحرصا على العاهات و التقاليد
مجتمعنا به ملايين حالات من الزواج بالاجبار ( و الإتجار بالشرف و العرض )
ولكن غير معروفة خوفا من العار و الفضيحة وحرصا على العاهات و التقاليد
.
ملحوظة : البنت زيها زيك فى كل حاجه ولو بعدنا شويه عن العاهات و التقاليد هتلاقى ان البنت مظلومة فى مجتمعنا
( الزنا محرم ) دينيا فى جميع الاديان ليه بتحلله لنفسك ؟ ولو البنت حصلها غلطه بترفضها ؟
مع ان سواء انت زنيت او هى الاتنين محرمين دينيا ولا حضرتك الدين فيه استثناء للراجل ؟
( التحرش حرام ) طيب ليه بتحلله لنفسك ولو البنت فكرت تبص لشاب تبقى شمال ؟
( شرب المخدرات حرام ) ليه لو بنت شربت مخدرات تبقى شمال وانت لو شربت حلال ؟
.
للاسف احنا وصلنا لمرحلة نخاف من العاهات و التقاليد ونظره المجتمع اكتر من خوفنا من ربنا 
وانت بتقرا الموضوع وعارف ده ولكن رافض تعترف وهتشتمنى بعد ما تقرأ 
.
البنت طفلة احترم طفولتها متخوفهاش منك احتويها مش شرط تكون ( حبيبها )
الكلام ده موجه لكل راجل سواء اب او اخ او حتى حبيب
اعرف طلباتها شوف عاوزه ايه نفذ اللى تقدر عليه
بلاش تعند انت مش قد عند البنت لو قررت تعمل حاجه
بلاش تظلم وتدمر حياتها بسبب غبائك
وافتكر دايما ( كما تدين تدان )
.رفقا بالنساء فهن كالقوارير

عن Basel Seif

باسل سيف 26 سنة من مصر كاتب ومدون مهتم بمجال علم النفس و الأجتماع .

شاهد أيضاً

مِسّ إنشراح : نحنُ مُتأسفون جداً جداً .

– مِسّ إنشراح : نحنُ مُتأسفون جداً جداً . 💔 – بين جُدران غرفة مُوحشّة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: