باب موارب 

باب موارب 

مش شرط كل باب موارب يدخل منه نور بالعكس ابواب كتير مواربه بيكون فى نورها ظلام
للاسف ارتبطنا دايما بصغرنا ان مجرد ما نفتح الباب نلاقى نور ويكون هو طريق النجاه
ولكن دايما نسينا حاجه مهمه ان ممكن اللى ورا الباب ميكونش نور دايما وممكن النور ميكونش نور الله يكون نور خادع يخلينا نتوه ساعات فى اغلب الاوقات بيكون قفل الباب والظلام احسن بكتير من انى اسيب الباب موارب ع الاقل انا حافظ اللى حواليا لكن معرفش فى ايه ورا الباب مش هضمن حتى لو فتحت جزء صغير منه هيدخل عليا ايه من الباب ؟
.
ونفس الموضوع ده فى ناس كتير مبتحبش تقفل الباب وبتسيبه دايما موارب فى علاقتها مع الناس على اساس انك ممكن تحتاجهم فى يوم او يخدموك فى حاجه لكن دايما بيجهلوا ان الباب الموارب ده هيسبب مشاكل وضرر اكتر من نفعه .
.
ممكن يكون حد بيحبك اوى وانت خارج من صدمه او تجربة او رافض مبدأ الارتباط فى الوقت الحالى فهتسيب الباب موارب معاه مش هتنهى العلاقه ( انت بالنسبالك بتسكن نفسك ) لكن هو بالنسباله بيتعلق بيك اكتر وبيحبك اكتر وهيجى واحد تانى وتالت ورابع يقرب منك ويحبك وانت بردوا هتخاف تقوله لا مش عاوز حب مش عاوز ارتباط وهتسيب الباب موارب ونفس الموضوع فى كل حاجه بنمر بيها ( الشغل – الصداقة ) مينفعش تسيب الباب مفتوح .
.
العبره بالمواقف : لما حد يغمل معاك موقف او حاجه تضايقك عمره ما هيتعدل لما حد مش عاجبك اسلوبه متقربش منه قوله لا مش عاوزك فى حياتى انا بكرهك الضرر اللى هتسببه للشخص ده اهون ما يتعلق بيك مش عاجبك وظيفه فيها اهانه من صاحب الشغل قوله مش عاوز اشتغل لكن متنسحبش بهدوء وتسيب الباب موارب ده هيضرك اكتر ما ينفعك لأن النيات ثابته
.
اتعلم تقول لا : اتمرد اتعلم تقول لا لكل شخص مش عاوزه فى حياتك قول لا للمواقف للظروف للحياة لكل حاجه مضيقاك انهى مواضيعك اول باول اقفل بابك على نفسك الظلام اللى انت عايش فيه ع الاقل انت عايش فيه حافظه متفتحتش بابك الا وانت مستعد تخرج من ظلامك متبصش من جمب الباب وانت خايف اتعلم تقول لا اتمرد متسمحش لحد يدخل حياتك زى الحرامى من الضوء اللى جايلك من الباب متخضعش لأى حد الا الله

عن Basel Seif

باسل سيف 26 سنة من مصر كاتب ومدون مهتم بمجال علم النفس و الأجتماع .

شاهد أيضاً

مِسّ إنشراح : نحنُ مُتأسفون جداً جداً .

– مِسّ إنشراح : نحنُ مُتأسفون جداً جداً . 💔 – بين جُدران غرفة مُوحشّة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: