Home ماوراء الطبيعة مثلث برمودا او مثلث الشيطان ( تفاصيل مرعبة لأول مرة تقرأها )
ماوراء الطبيعة - 7 February، 2019

مثلث برمودا او مثلث الشيطان ( تفاصيل مرعبة لأول مرة تقرأها )

 

مثلث برمودا او زي م بيتسمي “مثلث الشيطان” ..

النهاردة ان شالله هتكلم عن مثلث برمودا او زي م بيتسمي “مثلث الشيطان” .. هل مثلث برمودا لغز ولا حقيقه !؟ طب هوا دا مكان إبليس عشان كدا اتسمي مثلث الشيطان !؟ طب هوا اساسا فين مكانو تحديداً ع الخريطه !؟ طيب اي حكايه السفن والطائرات اللي بتقع فيه ف شهر ديسمبر ونوفمبر !؟ اي هيا اشهر الحوادث ف المثلث ده !؟ هتكلم عن الموضوع دا بالتفصيل …


بص ف البدايه مثلث برمودا او مثلث الشيطان دا لغز حتي الآن لسه العالم مش قادر يفك اللغز ده فيه علماء فيزيائين بيقولو ان ف المكان ده فجوه مغناطسيه بتجذب السفن والطائرات فيها “دّوامه مائيه ” وفيه ناس بتقول لا دا مكان الشيطان ! وفيه ناس تالته بتقول ان المكان ده غرق فيه العبيد اللي كانو ف سفرهم الي امريكا وارواحهم لسه ف المكان وبتاخد الركاب خصوصا ان السفن والطائرات معظمها بيلاقوها لكن الطاقم والناس بتختفي ف ظروف غامضه … كل العالم بيقدم حلول وحقائق لكنها مش جازمه …

طيب هوا المثلث دا عباره عن اي بردو !؟ مكان ف المحيط ولا ع شكل مثلث ولا هوا اي يعني !؟ بص يسطا هوا شكلو من حيث الإتجاهات يشبه المثلث وهوا عباره عن مجموعه من الجُزر ..عددهم ٣٠٠ جزيره طب ينفع حد يعيش فيهم !؟ ٣٠ جزيره منهم بس اللي ينفع العيش عليهم والباقين مينفعش يعني تقريباً ١٠٪؜ من مساحه المثلث ..!

طيب المثلث ده اي سبب الشهره والضجه اللي اتعملت عليه ف فتره من الفترات !؟ اقولك السبب السبب ان اي طياره تطير فوق المثلث او اي سفينه تعبر من المنطقه دي تختفي ف ظروف غامضه محدش يعرفها فيه كتير من السفن والطيارات اللي اختفت هيا واللي فيها وفيه اللي طاقم اختفي والسفينه نجت ، لكن مفيش اشخاص عددت المكان ده وكملت رحلتها …

طيب اي هيا اشهر الزعامات والنظريات اللي بتفسر لغز مثلث برمودا !؟ ١-يقال بان المكان ده فيه عرش إبليس عشان كدا بيسموه مثلث الشيطان يعني مكان جلوس الشيطان وسكنو .. ٢-علماء الفيزيا بيقولو ان المكان دا تحديداً فيه قوه جذب مغناطيسيه “دوامه مائيه” ودي اللي بتجذب السفن والطيارات ليها ٣-فيه ناس بتقول ان المكان دا فيه مخلوق رهيب يشبه الإخطبوط ٤-فيه علماء بيقولو ان الممان هوا نقطه تمركز قوه الجاذبيه الارضيه عشان كدا قوه الجذب للمكان بتبقي شديده جداً وكلها زعامات لسه محدش اكتشف اللغز الحقيقي من المثلث

طيب اي هيا اشهر الحوادث !؟ اي هيا حكايه السرب ١٩ !؟ بص الرحله دي عباره عن سرب من الطائرات مكون من ٥ طائرات انطلق من احد مواني فلوريدا الجويه كنوع من التدريب الروتيني يعني سنه ٤٥ تحديداً يوم ٥ ديسمبر ظُهراً …

طب اي يا حكايه السرب ١٩ بردو!؟ بص هيا زي م قولنا كانو ٥ طائرات انطلقت من مواني فلوريدا الجويه كنوع من التدريب الروتيني اربعه من الطائرات دي كانو متبعين الطيار الخامس ليهم ، طب مين كان ف الطياره الخامسه !؟ واحد أسمو ” تشارلز تايلور” كان اكثرهم خبره واحترافيه ف مجال الطيران خصوصا انو كان ملازم اول فكانو بيتبعوه أثناء الرحله بس للاسف ” تشارلز ” كان من مدمني الكحوليات وف اليوم ده كان سهران مع زمايله وحاول يعتذر عن الرحله بس القياده رفضت لعدم وجود بديل المهم اي اللي حصل !؟

تشارلز بيقولو انو اليوم ده كان سهران مع زمايلو ومتقل ف الشرب ف أثناء الرحله م كنش ف قمه تركيزو + ان الكحوليات عملت عندو نوع من الصداع والتوتر فممنش قادر يشوف كويس ولا يركز … المشكله ان الاربع طائرات كانو بيتبعوه بإعتباره المحترف اللي بينهم وبعد وقت من الزمن وأثناء الطياران ، بوصله تشارلز عطلت !

تشارلز كمل واستمر ف الطيران عشان م يخذلش طاقم الطائرات اللي ماشين وراه وبيتبعوه بحرفيه وقرر يعتمد ع الرؤيه البصريه اللي هيا اساسا معدومه عندو بسبب الكحوليات ..دا لحد م فجأه وبدون اي مقدمات قامت عاصفه كبيره جدا افقدتو الرؤيه تماماً ورفض انو يتواصل مع موجه الطوارئ بتاع الميناء وقرر يقود السرب اللي وراه ف أمرهم انهم يدورو ع اي مكان يابس ، يعني يطيرو بحثاً عن اي حزيره يابسه .! وبكدا يكونو بيطيرو ع اطراف الجزر بتاعت المحيط الأطلسي لمثلث الشيطان ..

تشارلز كمل واستمر ف الطيران عشان م يخذلش طاقم الطائرات اللي ماشين وراه وبيتبعوه بحرفيه وقرر يعتمد ع الرؤيه البصريه اللي هيا اساسا معدومه عندو بسبب الكحوليات ..دا لحد م فجأه وبدون اي مقدمات قامت عاصفه كبيره جدا افقدتو الرؤيه تماماً ورفض انو يتواصل مع موجه الطوارئ بتاع الميناء وقرر يقود السرب اللي وراه ف أمرهم انهم يدورو ع اي مكان يابس ، يعني يطيرو بحثاً عن اي حزيره يابسه .! وبكدا يكونو بيطيرو ع اطراف الجزر بتاعت المحيط الأطلسي لمثلث الشيطان ..

قامت القاعده الجويه أطلقت طاقم الإغاثه يدورو عليهم وكان الطاقم ده مكون من ٣٠ شخص وفيه تقارير بتقول انهم كانو ٢٧ بس ..
ع كلن الطاقم طلع واختفي هوا كمان معاهم
قامت القاعده قررت تضحي ب ٣٠٠ طائره وقوارب وغواصات وليله كبيره أوي سعدتك عشان يشوفو اي اللي حصل ويدور ع تشارلز واللي معاه وكمان يدورو ع ٣٠ شخص …

أقولك حاجه !؟
ال ٣٠٠ طياره والقوارب والغواصات إختفت هيا كمان
طيب تفسير الغموض والإختفاء اللي حصل ده اي !؟
بيزعم كتير من القاده والخبراء الإستراتيجين وقتها ان الطائرات والسرب ١٩ إتعرضت للخطف من الكائنات الفضائيه واللي قالو انها من العالم الموازي

طيب اي موضوع ديسمبر ونوفمبر ده !؟ بص هوا الشهرين دول كمان من ضمن اللغز للمثلث خصوصا انهم لاحظو ان معظم حوادث المثلث بتحصل ف الشهرين دول ف اواخر السنه او بعد بدايه السنه ولسه لحد دلوقت السبب مجهول ..

طيب اي اشهر السفن اللي غرقت ف المكان غير السرب ١٩ !؟ بص ي سيدي اشهر السفن سفينه” رايفوكو مارو اليابانيه ” سنه ١٩٢٥اللي اختفا الطاقم بتاعها واللي ملحقوش يتواصلو مع طاقم النجاه غير بكلمتين ” أنقذونا ، إنه كالخنجر الرهيب، احضرو بسرعه ” وبعدها هدوء تام لكن السفينه فضلت زي م هيا لم يصبها خدش واحد حتي بيقولو ان فناجين القهوه وكل متعلقات الناس اللي كانت عليها لقوها زي م هيا…

طيب هوا كل الحوادث اللي حصلت فيه ف العصر الحالي !؟ الإجابه لا شوف معايا ١-سنه ١٨٤٠ لقم سفينه فرنسيه إسمها”روزالي ” مهجوره من ركابها بس زي م هيا والشراع بتاعها لسه منصوب حتي لقم فيها عصفور كناري عايش عليها.. ٢-سفينه بريطانيه إسمها ” بيلا” واللي بردو عثرو عليها بس الطاقم كان اختفا ٣-سفينه ” اتلانتا” اللي كان عليها ٢٩٠ بحار وظابط سنه ١٨٨٠ واللي بردو اختفت ف ظروف غامضه وغيرهم كتير …

طيب دا ف العصر القديم ، اي اشهر اختفاءات ف العصر الحديث مروراً بالسرب ١٩ !؟ ١-سفينه ” فرايا” اللي اختفت سنه ١٩٠٢ واللي لقم فيها اجندات الطاقم مفتوحها والحبر اللي مكتوب ف الاجنده مش قديم ودا بيدل ع ان الحدثه حصلت لسه ف نفس الوقت ٢-اشهر بحار ف العالم الي الان كان إسمو “جوشو سلوكم” اللي اختفي سنه ١٩٠٩ ٣- الباخره الامريكيه “سايكلوكس ” اللي اختفت سنه ١٩١٨ومحدش عرف السبب لحد دلوقت ولا حتي ارسلو نداء استغاثه وقتها.. ٤-سفينه” كارول دينريغ” اللي اختفت والأكل كان عليها زي م هوا + قطتين مفيهمش اي حاجه … ٥- باخره شحن “صادفوكو ” اللي اختفت سنه ١٩٢٦ واللي مسؤال السفينه وقته ارسل نداء إستغاثه وقتها بيقول ” نحن نبتلع بواسطه وحش عملاق ف اعماق البحار”

طيب هل مثلث برمودا لحد دلوقت مفيش حد بيقدر يعديه بالطائرات او السفن !؟ الإجابه لااااا طيب اي هوا السبب الحقيقي ورا كل اللي حصل ده !؟ أقولك ، كل اللي حصل ده كان بسبب : ١-الطقس وتضاريس المثلث نفسو طبيعه منطقه مثلث برمودا انها بتتعرض لعواصف رعديه وطقس غير مستقر ودا اللي بيخلي اي قمر صناعي وبوصله ف اي طياره او سفينه ميقدرش يحدد الاتجاهات أثناء السير ف المنطقه لان انت عارف ان اعمق منطقه ع سطح الارض موجوده ف المحيط الاطلسي تحديدا تحت مثلث برمودا ودا اللي بيخلي الزلازل والبراكين والعواصف الرعديه ف المكان ده …

٢- تاني اكتشاف للسبب هوا ” المجال المغنطيسي ” يعني ايييي بص طبيعه منطقه المثلث وبسبب اللي بيحصل فيها من زلازل وبراكين وعواصيف رعديه بسبب انخافض العمق بتاعها بيخلي اي بوصله ف اي سفينه او طياره تنحرف بدل من الشمال الي الشرق ودي بتتسمي عند المتمرسين ف الشغلانه والبحريين ب ” تباين البوصله” يعني البوصله تبقي موجهه نحيه الشرق وتيجي ف منطقه معينه وتتجه نحيه الشمال والعكس ،عشان كدا كل الناس اللي مرت ف الزمن القديم مكانوش عرفو لسا نظريه المجال المغنطيسي وانحراف البوصله عشان كدا كانو بيتبعو البوصله ف انحرافها نحيه المثلث..

٣-تالت نظريه بتفسر السبب المنطقي للي حصل ف المثلث ” نظريه غاز الميثان ” ودي اللي قالها دكتور إسمو ” ريشارد مكليفر” ودي بيساطه شرحها ان هيدرات الميثان اللي بيتكون من رواسب البحر تحت سطح المنطقه دي باعتبارها اعمق منطقه ق العالم وف المحيط بتخلي غاز الميثان يتصاعد لسطح المياه ودا بيخلي المياه كثافتها تقل وتبدأ تحصل الدّوامات المائيه اللي اكلمنا عنها وبالتالي اي سفينه تعدي ف المنطقه الدّوامه المائيه تبلعها طب والطايرات !؟ الغاز شديد الإشتعال فلمابيتصاعد بيصيب المحركات بتاعت الطائره ودا اللي بيخلي الطياره تنفجر ف الحال …

وبكدا نظريه مثلث برمودا وان المنطقه دي فيها عرش ابليس
او انها مليئه بالارواح اللي بتخطف السفن والبشر وان مفيش سفينه او طياره تقدر تعديه
دي كلها كفته
والآن وبعد الإنتباه لموضوع تباين البوصله اصبحت الطائرات والسفن تعدي عادي من المنطقه مع الحرص الشديد من اي عاصفه او زلالزل تحصل بسبب كثافه المياه

كتابة واعداد : زايد محمد

1 Comment

Leave a Reply

Your email address will not be published.