Home خواطر واشعار مات الملك – بقلم : أمير أباظة
خواطر واشعار - 12 February، 2019

مات الملك – بقلم : أمير أباظة

مات الملك

الليلة دي بلفظ ف آخر نفس .
عيطت من جوا ومفيش دموع ف العين
إية الحكاية يا عين مش عادة تخونيني
وقت أما أحب أبكي / بمرار تعانديني
أنا عمري يوم ماركعت / جيتي وكسرتيني

يارب عدي الليلة دي ع خير
كل الطرق بتودي للوحدة
يا تسيبني روحي يا أسيبها وأنا مغصوب
كل النتايج ف حالتي دي واحدة
جربت أستسلم .. وقفتلي على واحدة

شوفتوني وأنا بنهار
شوفتوني وأنا برفع رايات الإنسحاب م أرضها
وبلم جيشي وأقولة مات الملك
ومافيش مجال لحروب
قلبي اللي بابة قزاز قاموا حدفوة بالطوب
ف اللحظة دي أنا قلبي مات مغلوب

لميت بواقي النكسة من جسمي
وحلفت لأمشي وأسيب حبيبتي هناك
كرهتني روحي وخوفت على هيبتي
في 1000 غيرها ياواد بيتمناك
وأنا غيرها والله ما عوزت م الدنيا
ورجعت لما قالتلي مش عايزاك

شوفتوا اللي أنا شايلة ف ضلوعي بيعترض
ويقولي مانت الغبي فرطت لية ف روحك
طالب أعيش إزاي وأتعرى لجروحك
حلمي أدقلها
إرمي بقى طموحك

دي مش بواقي ذكريات إنما
دا قتل عمد بإيدي لحياتي
فرطت فيها ف غابوا ضحكاتي
رضيت أعيش كومبارس
وهمثل الآتي
مشهد يهد الحيل لأرضي تحت ظلال رايات العدو
بيشد منها طرف فستانها
تصرخ تقول يا أمير
ف بقص ف لسانها
رضيت بهم الهم
في رب يعدلها

شفتوها ف أحضانة .. بتقول سعيدة وعايشة عال العال
أنا علتي من الفقر .. والفقر مش ف المال
أنا فقير الحظ .. شافني العدل قام مال

شوفتوا النصيب ، إبن الحلال
إداني ضهرة بعد ما حضني
وخدني من وسط الجحيم للنور
عايشني بيها / وبعد بيها ما عشت
قال نفسي أشوفك ليلة واد مكسور
شوفتوا الفجور
شوفتوا اللي فات من حلمي / وأنا عادي
أنا عمري يوم ما أعترض / أنا عيشت أسوأ من كدة وراضي
وبقول كويس كلة شكليات
أتاريني بكتب سطر م النهايات
كان نفسي تبقى الختمة مثلا غير كدة
يؤسفني أقول
الليلة دي بكتبلكم وأنا قلبي أصلا مات

بقلم : أمير أباظة

Leave a Reply

Your email address will not be published.