Home خواطر واشعار قلب مستعمل – بقلم : ميسونة حسوبة
خواطر واشعار - 15 February، 2019

قلب مستعمل – بقلم : ميسونة حسوبة

ميسونة حسوبة تكتب " قلب مستعمل "

قلب مستعمل

عمرو قال ان الصحاب ك هدوم

والصاحب اللى يدوم

عقلة اكيد مختل

والقلب اللى اتذل

هيجيلة يوم ويذل

حتى الصحاب مشيوا

وبقيت وحيد عريان

كل اللى حب جبان

مثل ع مشاعرة

والقلب اللى اتخان

بيقللوا ف سعرة

حتى يباع ببلاش

بنحب لية ف اوباش

معدن قلوبهم قش

كل اللى قال هيغش

ربك حلف يتهان

وانا حلمى كان كما عش

بس المحبة تدوم

يحضنى لما امرض

يحضنى ف اتمرد

والشاى نسيبة بيرد

اكمن عجزنا

الحب استاذنا

بنعري ف قلوبنا والستر ف ازازنا

حالف ميكشفش حبنا لمارة

حالف ل هيصدر روايتنا للعالم

اخد دوا قلبي قبلة ع ايدى

واديلة دوا اعصاب فيتامين

بحبك اوى

قلبي اللى عاش متصان

اخدوا عزاة ف صوان

متصابش بالنسيان

و نزلوة القبر

اول سال اتسال

مين ف البشر يتحب

بمثل هذا القدر

لو اجبروك تمشى

قولى ومش هزعل

لو قالوا فيا عيوب

بالوقت هتغير

انا كنت ليك منزل

شيفاك سند وعظيم

ازاى بقيت جاحد وف نظرى لية صغير

انا قولت هنفارق بس بمرور الوقت

ازاى مشيت دلوقت

ملحقتش اتعود

جيتلك وفيا كسور

فراهنت ل تزود

انا حد لما اضحك

دمعى بيفضحنى

جيتلك وقلت طبيب

والكل قال قاتل

وانا كنت بسخر من اى حد يقول

الحب دة باطل

القلب لو عاطل ودقاتة مش ليا

مسيرة يتصلح

وهلم بواقيا وازرعها بين صدرك

فازاى اقولك خدنى ف احضانك

ضهرى يصيبة غدرك

من امتى يعنى والحب اخرة وفاة

فازاى ينادوا عليا ع المسرح ويقولوا تانى

ابكى ونقول اللة

من امتى كان كسر القلوب هين

انا قلت ياما خدنى ف احضانك

مش قصدى شىء مخجل

الحضن بيبن

وانا وشى بيزين حزن القلوب بالضحك

فازاى اقولك خدنى ف احضانك حضنى يصيبة الصعق

باللة عليك ترجع لو مرة انا هحاول

سندنى ع كتفك و هشيل ف احزانك

كل الاذان قال حى والكسرة ف اذانك

باللة عليك لو جاى طمنى لو نظرة

باللة وبالعذرا وبالمسيح والكتاب

كل قال هسندك قولتلة يالا ف غاب

خيط المحبة اهو داب وانا لسة بلزق فية

فازاى عشقتنى كدة وتقول دة كان افية

كسر القلوب بقي سهل

جيتلة مهرولة

جالى الجميل ع مهل

احسن وجع يعمل

قلبى خلاص هرمية

بقي قلب مستعمل

بقلم : ميسونة حسوبة

Leave a Reply

Your email address will not be published.