Home ماوراء الطبيعة عالم الجن بين الحقيقه والخيال
ماوراء الطبيعة - 31 January، 2019

عالم الجن بين الحقيقه والخيال

عالم الجن بين الحقيقه والخيال

الجن دول من البدايه كدا دول عالم تاني زي عالمنا كدا بس طبعاً عالم مخفي من قِبل الله ولحكمه منو بس دول ليهم عادات وتقاليد وثقافتهم الخاصه بيهم وليهم ممالك ودول وحاكم لكل قريه وبيتحوزو وبيعيشو شبيه بحياتنا بتختلف بشكل او باخر لكن بتقديرات مختلفه ربنا قال عن ابليس” افتتخذونه وذريته اولياءمن دونيوهم لكم عدو ” لو هتاخد ربا بيقول” وذوريته” يعني عائلتو واولادو واسرتو ..يمكن الموضووع ده ليه علاقه من قريب او من بعيد بالعالم الموازي اللي حكيت عنو ف اليومين اللي فاتو

طيب الجن دول ربنا خلقهم من نار مش من طين زينا ربنا قال ” والجان خلقناه من نار السموم ” وقال “وخلق الجان من مارج من نار ” بس هدف الخلق منهم زي هدفنا من الخلق يعني احنا ربنا أمرنا بالعباده وهما كمان ربنا أمرهم بالعباده ..ربنا قال ف أواخر سوره الذاريات “وما خلقت الجن والإنس إلا ليعبدون ” يعني ربنا خلقنا وخلقهم من أجل العباده فقط لاغير.. وبردو فيه منهم العاصي والصالح اللي ماشيع الصراط المستقيم ربنا قال ف سوره الحن وع لسانهم ” وانا منا الصالحون ومنا دون ذاللك كنا طرائق قددا” ودون ذالك يعني عصاه ومذنبين عكس صالحين ..

هما بيعشو ازاي !؟ ازاي حياتهم !؟ هل لو ربنا كشف الحجاب عن العالم المخفي من الجن ده اي اللي ممكن يحصل !؟ هوا فعلا ممكن أصاحب جن من تحت الارض وينفذلي اللي انا عايزو !؟ أسئله كتير من النوع ده من باب العلم بالشئ

بس اللي احنا اتربينا عليه واللي شوفناه ولسه بنشوفو ف الافلام ان الجن مخلوقات بشعه وان اشكالهم مرعبه وكدا الحقيقه طلعت بان الجن مخلوقات زيينا كدا فيه منهم الشكل المقبول والجميل والجميل جدا والوحش والوحش ببشاعه وهكذا.. ومش هبالغ لو قولتلك ان عندهم درجه جمال عاليه جدا زي م انتا بتصادف وتلاقي جمال غير عادي متمثل ف اي حاجه ؛ راجل ، ست ، حيوان، نبات اي حاجه كدا.. دا بالنسبه للشكل طب فيه منهم انواع !؟
بالنسبه للانواع احنا كبشر فيه منا الرجل والانثي بردو الجن فيه منو أنواع بس أكتر شويه عد معايا الجن الهوائي والجن الترابي والجن القمري والجن الناري والجن الضوئي والجن المائي والجن العاشق وكل نوع منهم ليه عيشه خاصه بيه واماكن خاصه بردو ..
طيب بيعيشو فين !؟
بص ي ابو الشباب💕
الجن بيعيشو ف كل مكان ف بقاع الارض ، ف الجحور والبيوت والزوايا والبحار والمحيطات والجزر والجبال والاماكن المهجوره وشقوق الارض والصحرا وهكذا..وكل نوع ساكن ف مكان يعني الجن الترابي ف الشقوق والجحور والمائي ف البحار والمحيطات هكذا…
طب هل فعلا فيه حيوانات بتقدر تشوف الجن زي م عرفنا واتربينا ع المعلومات دي !؟ اه فعلا فيه حيوانات بتقدر تشوف الشياطين الجن زي الذئب ودا بيقدر يشوفو وياكله كمان يعني لما تلاقي ديب بيبص ع حاجه انت مش شايفها تعرف ع طول انو بيبص ع جن وانو مش هيسيبو الا لما ياكلو …
المثير بقي واللي يخليك تندهش انهم اكتشفو مدينه للجن تحت الارض بالصدفه ف سنه ١٩٦٣ يعني ف عصرنا الحالي تحديداً ف تركيا و ف الوقت اللي كان فيه عمال بيحفرو تحت احد البيوت لقم بوابه والبوابه دي بتقود الي مدينه كامله مهجوره تحت الارض بتكون من ١١ دور وعمقها يصل ل ٨٥ متر ويقدر يعيش فيها من ٣٥ ل٥٠ الف شخص وفيها جميع الوسائل المعيشيه زي انهم لقو غرف للنوم والاكل والجلوس وكل حاجه زيينا تقريبا..
اعمارهم !؟
، عمرهم زيينا كدا يعني ٦٠ سنه ويموت او اقل ولا اي !؟
بص يسطا هما تقديرهم العمري غيرنا تماما بمعني
ان متوسط عمر الشخص فيهم من ٢٠٠ سنه ل١٠٠٠ سنه ويعتبر الجني منهم اللي عندو ٢٠٠ سنه يعتبر ف مرحله الشباب عندهم 
طيب بعد م اتكلمتا عن الشكل والعمر والاكل والشرب والمكان نتكلم عن الانواع بس كش كلها عشان البوست م يبقاش اوفر 1-الجن الضوئي النوع دا تحديدا هوا اقوي انواع الجن ودول جيش لوحدهم وجني ضوئي يقدر يقف قصاد ١٠٠٠ شيطان من المعارك والخناقات اللي بتحصل بين الجن المسلم والجن الشيطاني وعشان يوقفو جني واحد ضوئي بيقابلوه بعشرات الالاف وبردو بيشبه الانسان بس طبعا بتقديرات واحجام مختلفه..
الجن المائي ودا اللي ربنا ذكرو ف القران ف سوره ” ص” وقال” والشياطين كل بنّاء وغواص” يعني بيغوص ف البحار ويعيش فيها وكدا.. ودول بيبقي فيهم الطبقه الراقيه من الجن يعني الدكاتره والمهندسين “بنّاء” الي انذكرت ف الايه والمقاتلين بردو بس دول بيبقي غالب شكلهم بيبقي قبيح ومبيشبهوش الانسان لان الانسان ميقدرش يعيش ف المياه ف ربنا خلقهم بتقديرات مختلفه عننا…
الجن الناري ودا اللي ربنا ذكره ف القران ف ايات كتير ف الاعراف وص و وغيرها ع لسان ابليس زعيم الشياطين ” خلقتني من نار وخلقته من طين ” ودول يعتبرو اهم انواع الجن لانهم اول نوع ربنا خلقو منهم وقيل انهم اتهلقو وكانو مفيش غيرهم اللي كان موجود يعني يوم م ربنا خلق الجن كان الجن الناري اول نوع ودول صفاتهم بشعه فعلا زي انهم ليهم ٦ أرجل و ٤٠ عين واجسادهم صلبه جدا ..
فيه بردو نوع إسمو : الجن العاشق ودا بيحتك بينا اكتر من الترابي خصوصا انو ممكن يقع ف حب واحد او واحده ويلبسها لانو بيبقي جمبك طوال اليوم زي قرينك وبيتكلم معاك وبيجيلك ف الحلم ع هيئه واحد صحبك عشان كدا النبي قال انتا لازم نقرأ المعوذتين قبل النوم وقبل م تدخل الحمام تقول دعاء دخول الحمام او الخلاء لان الاماكن دي بيبقي هوا موجود فيها بشكل كبير ..ودا بردو هكلم عليه ف التحصينات من الجن ف الكومنتس اللي جايه
عشان كدا هبدأ اقولك ازاي تتعامل مع الحوار ده من خلال الادعيه والاذكار اللي النبي قالنا عليها من ١٤٣٩ سنه عشان نتجنبهم … ١-لازم قبل م تدخل اوضتك او اي مكان مقفول زي البيت مثلا انك تخبط ٣ مرات عشان لو فيه واحد منهم جوا مسلم يرد عليك ودا اللي النبي قالو : اذا دخل احدكم بيته فليسلم: وحديث تاني : اذا دخل احدكم بيته فليقل السلام عليكم لان الجن لا يسكن بيتاً يذكر فيه اسم الله : …
طب بياكلو اي !؟
اكلهم غيرنا دا ف حديث النبي قال” لا تستنجوا بالروث ، ولا بالعظام فإنه زاد إخوانكم من الجن ”
يعني العظم وروث الحيوانات دا اكلهم بس كدا !؟
لا بياكلو حاجات تانيه بردو زي الفول والزبد !
بتهزر اه وربنا
فقد رؤي عن سيدنا عمر بن الخطاب انو سأل الجن المسلم اللي اخواتو من الشياطين كانو بيدعوه للضلال زيهم
” م كان طعامهم قال الفول . قال وما شرابكم قال الجدف يعني الزبد ”
واللي مش فاهم القصه دي يقرأ سوره الانعام
“قل اندعو من دون الله مالا ينفعنا ولا يضرنا ونرد ع اعقابنا بعد اذ هدانا الله ، كالذي استهوته الشياطين ف الارض حيران له اصحاب يدعونه الي الهدي ءتنا قل ان هدي الله هوا الهدي وامرنا لنسلم لرب العالمين “..
٢-لازم تعرف بردو ان الوقت اللي بيصحي فيه الجن هوا منتصف الليل عشان كدا خلي بالك انك تكون صاحي الوقت ده وتفضل رايح جاي ف البيت من غير م تكون محصن نفسك بالادعيه والاذكار الصباحيه والمسائيه لان صبحنا ليلهم وليلنا صبحهم فبيفضلو ماشين وراك عايزين يعرفو انتا صاحي معاهم تعمل اي فلازم تبقي محصن نفسك..
٣-الجن من المخلوقات اللي بتحب الاغاني جدا عشان كدا حاول ع الاقل تسمع وانت برا البيت او برا اوضتك عشان هما اول م بيسمعو صوت الاغاني بيتجمعو ويرقصو من حواليك ولو ربنا كشفلك الحجاب وانتا ف فرح او ف قاعه حفلات هتتصدم بيهم من حواليك … عشان كدا النبي قال : لا تسمعو للغناء فانها سهم من سهام إبليس” والاحاديث والايات ف الموضوع ده كتيره
٤- لوشفت حيوان بيبصلك ومش راضي يصرف نظرو عنك ف تعوذ بالله من الشيطان الرجيم وحاولو تمشي من المكان او تضربو باي حاجه عشان يمشي لان غالبا بيبقي جني متشكل ف صوره حيوان زي القطط والكلاب زي م النبي قال ” اذا قام احدكم الب الصلاه فليستتر فانه يقطع صلاه المرء الحمار والمراه والكلب الاسود ” عشان من الشياطين المتشكله ف صوره حيوانات ودا ع حسب تفسير بن تيمه للحديث..
٥ -فيه نوع إسمو “الجن الجاثوم” ودا بيبقي معاك ف السرير عشان كدا لما تنام إقرا المعوذتين وسوره الملك وإمسك طرف اي بنطلون حمبك وخبط ع اول ووسط واخر السرير بالنبطلون وقول بسم الله بسم الله بسم الله ٣ مرات والخديث ” إذا أوي احدكم الي فراشه ….” الي اخر الحديث
٦-لو جمبك دب او لعبه خلي بالك من انها تكون مخرومه او فيها ثقوب لان الجن بيسكن جوا اللعب دي عشان كدا لو تسمع عن الناس اللي بيخرومها عشان يعملو بيها أعمال سحر وكلام من ده …
٧-لو سمعت حواليك صوت كلاب كتير إعرف ان حواليك عدد كبير من الجن ف استعذ بالله واقرا المعوذتين ومتشغلش اغاني او اي حاجه تخليهم يتجمعو حواليك…
٨-احيانا وانت نايم بتحس ان فيه حد لمس رجليك او اطراف صوابعك من غير م تلاقي حاجه بعد م تصحي متخافش دا من الجن اسمو الحن المراهق نايم جمبك استعذ بالله وهوا مش هيأذيك تماما…
٩-إجتماعاتهم ومؤتمراتهم ديما بتبقي ف الحمام والاماكن القذره عشان كدا لما تدخل قول : أعوذ بالله من الخبث والخبائث ٣ مرات” والخبث اللي هما ذكور الجن والخبائث اللي هما الإناث منهم …
كتابة واعداد : زايد محمد

Leave a Reply

Your email address will not be published.