Home مقالات ببجي ( PUBG ) .. ( المخدرات الإلكترونية )
مقالات - 27 January، 2019

ببجي ( PUBG ) .. ( المخدرات الإلكترونية )

ببجي ( PUBG ) .. 🤗🤗 ( المخدرات الإلكترونية )

 

لعبة او جيم انتشر في الآونة الأخيرة بين مختلف الاعمار السنية المختلفة واتعملها دعاية عنكبوتية مقصودة عن طريق كل وسائل السوشيال ميديا ومواقف مختلقة من اكتر من يوتيوبر 🕵️‍♀️😎بهدف الدعايا للعبة وتحقيق شهرة ونسب مشاهدة وأرباح لليوتيوبر 😜 اللي بيشتغل الفانز او الجمهور ..

 

بمنتهى البساطة نستعرض مجموعة الأهداف السلبية ☠☠ للجيم والالعاب اللي من النوعية دي😧😧 ..

 

١- التفريغ المعنوي للطاقة الايجابية 😔😴 ..

انت قمت بتحقيق نجاحات وهمية لما قتلت واخدت اسلحة الخصم مثلا وحصلت على النشوة من إسكور ( score ) وهمي 😃.. المفروض انك تكمل عشان تحقق نجاحات تانية

.. مع كل نجاح بتحققه هاتتشد للنجاح اللي بعده عشان النشوة والاحساس بالنجاح يزيد ومش واخد بالك انك بتبذل مجهود ذهني وحركي وبتحاول تسخر التوافق العضلي العصبي لنجاح المهمة ومع فرحة الانتصار بتحس قصاد نفسك انك انبسطت واتزنت نفسيا ..

الاتزان المنشود ده ربنا خلقه جوه كل انسان طبيعي عشان يحفز كل انسان انه يبني الحياة ويعمرها .. انت خرجت طاقتك الايجابيةعشان تحقق هدف وهمي وحصلت على النشوة والاتزان من تحقيق الهدف الوهمي بالفعل وبالتالي مافيش مخزون طاقة معنوي ايجابي جواك يدفعك انك تحقق نجاحات حقيقية على ارض الواقع لحياتك الشخصية 😔😌

وده بيعمل كسل عن الانتاج لانك استكفيت معنويا ..

 

٢- الشحن المعنوي للطاقة السلبية 😠😡 ..

لو صادف انك اتقتلت او فشلت في تحقيق تارجت ما

بتبتدي تضايق وتتولد عندك رغبة واصرار في انك تكمل وتنتقم وتعوض وتستمر عشان ترجع تحصل على نشوة الانتصار الوهمي .. الشعور بالرغبة في الانتقام والتعويض والاصرار على الاستمرار في اضاعة الوقت على تارجت وإسكور وهمي بنسميه طاقة سلبية بتحفزك انك تكبر دماغك عن تحقيق نجاح حقيقي على ارض الواقع

وده بيعمل امتناع تام عن الانتاج لانك منجذب معنويا 😊😊 ..

 

٣- الاستيعاض المعنوي السلبي 🤔🙃😤 ..

انت بدلت متعة نجاحك اللي كنت المفروض انك تحصل عليها من النجاح على ارض الواقع في حياتك الشخصية

الى متعة نجاح حصلت عليها من النجاح في عالم الخيال اللي انت مصدقه وقررت انك تستمر فيه 🤗🤗

 

٤- العدوانية 😡👹 ..

طبيعي جدا لان نجاحك مقترن ومرتبط بفشل الآخرين ونجاحهم مرتبط ومقترن بفشلك ..

لاء ازاي الكلام ده غلط ده احنا بنعمل تيم او جروب وبنساعد بعض .. مهي دي المشكلة اننا بنكبر دوائر العدوانية فبدل ما تقتصر على افراد بنميها ونكبرها ونخليها لجماعات 😜😛..

 

٥- السيكوباتية 👺👹👿 ..

للأسف لأنك بتتأهل من نقطة البداية انك تحافظ على غريزة البقاء في الجيم .. وبقاءك مقترن بموت ☠💣💥الآخرين اللي بتجد اللذة في قتلهم حتى لو كان الرغبة دي وهمية جوه الجيم وعالم الخيال لكنها بتعمل تطبيع لا ارادي مع العقل الباطن وتخللي ده ينعكس من غير ما تحس

على تصرفاتك الحياتية على ارض الواقع ..

مش معنى كلامي انك هاتروح تموت زمايلك في المدرسة او الشغل ولكل قاعدة شواذ .. لكن دافع البقاء المقترن بلذة القتل اللي اللعبة ربته جواك هاينعكس على حاجات كتير في تصرفاتك .. زي انك تتمنى نجاح نفسك بس وتتمنى فشل اللي حواليك .. او انك تبني سعادتك على الام الاخرين .. زي لعيب كرة القدم🏃‍♀️ البديل اللي بيتمنى اصابة اللاعب الاساسي عشان ينزل مكانه ويشارك مثلا .. او انك تبتدي تحصل على لذة نوائب ومصائب خصمك او غريمك في المدرسة او العمل سواء بمشاركة منك في ايذاءه او بدون ..

 

٦- التوتر النفسي والاجتماعي 😡😩👽☻ ..

طبيعي انا بلعب ومندمج وامي او ابويا بيسألوني هاتتغدى ايه فركزت معاهم واتقتلت .. لازم هاتضايق واشيط منهم .. فلا عايز اكل ولا قاعد في ام البيت من اساسه 😡😡 .. وده على سبيل المثال لا الحصر ..

 

٧- التشتت الفكري واضفاء الشرعية على العلاقات الغير سوية 😘 ..

 

طبيعي جدا ان يكون في علاقة 💋😍😍👫 بين اي زملاء في التيم لأننا بنقاتل مع بعض والمفروض اننا نحافظ على حياة بعض عشان الهدف السامي وهو النصر أوالشهادة والكلام ده 😜😜

والتطور الطبيعي للحاجة الساقعة ان العلاقات تطور وتاخد شكل تاني مستقبلا وده طبيعي جدا لاننا مش ملايكة ولا الملايكة بتحارب معانا ..

وطبعا اي أب أوأم أو أخ أو زوج أو زوجة أو معلم هايعترض💣💥 هيكون جاهل ومتخلف ومجنون انه مش عارف ببجي وكمان معترض عليها .. فالطبيعي انه يكتم ويفكه عشان ما يقلش في نظر نفسه ونظر اللي حواليه 😤😤 ..

 

٨- واخيرا الابتزاز المادي 💎💎 🤑☠🤑 ..

وده طبعا معروف وبيكون من خلال الباكدج المعروضة او فيديو للإعلانات عشان تاخد باور او روح .. او الاعلانات الاتوماتيكية الفورية اللا إرادية ولو لمدة ٣ ثانية 🤑🤑 ..

 

كل ده ابتزاز ليك مادي ومعنوي وانت راشق ونايم في مية البطيخ 🙄🙄 ..

كتب / محمد فؤاد إمام

Leave a Reply

Your email address will not be published.