Home تقنية ايه أكثر حاجة هتحتاجها وإنت بتبتدى فى مجال الـDigital Marketing
تقنية - 26 March، 2019

ايه أكثر حاجة هتحتاجها وإنت بتبتدى فى مجال الـDigital Marketing

أكثر حاجة هتحتاجها وإنت بتبتدى فى مجال الـDigital Marketing أو التسويق الإلكترونى، هى إنك تظبط دماغك أو الـMindset بتاعتك على شوية حاجات.

فى البوست دا هتلاقى أهم النصائح والمصادر للبداية فى مجال التسويق الإلكتروني، ملخص خبرة ٦ سنين شغل فى المجال.

أولاً، عشان تدخل فى مجال ال Digital Marketing لازم تفهم كذا حاجة عن المجال كدا بشكل عام:

1-فيه ناس كتير بتتكلم، اللى دارس صح بيتكلم، واللى مش دارس خالص بيتكلم، فأرجوك مش كل حاجه تسمعها تصدقها ومش كل حد بيعرف يتكلم، بيعرف يشتغل.

2-الناس فى مجالنا عبارة عن Trend يعنى إنهارده هتلاقى إسم مسمع أوى، بكره هتلاقى إسم تانى، السنة اللى جاية هتلاقى ظهر 5 أسماء جداد، كل دا جميل والناس دى فعلاً ممكن تبقى شاطرة بس متروحش تتعامل مع الناس دى على الأقل على إنها هى الوحيدة اللى بتفهم وإن كلامهم دا ثوابت لازم نمشى عليها.”بما فيهم الكلام اللى فى الpost دا”

3-الMarketing أصلاً هو عباره عن تجارب ناس عملتها قبل كدا، وبعد وجود خبرات على أكثر من تجربة بدأت تبقى موجوده فى الكتب، يعنى مفيش قوانين ثابته، فيه best practices إسمعها وإدرسها وإتعلم منها وشوف وجهات نظر كل الناس اللى بتتكلم فى المجال وفى الأخر كون وجهة نظرك الخاصة.

4-هتلاقى ناس بتتكلم عن النجاح وال Life coaching ويكتب فى الأخرMarketing و Passion – والله انا مشاعرى إتلخبطت من الكام كلمة اللى فاتوا دول مع بعض – عايز أقولك ببساطة إننا بندرس وبنطبق وبنشوف النتايج ونعدل عليها لحد ما نوصل لأفضل الحلول والنتايج، فالموضوع ملهوش علاقة بكلمتين يعملوا Motivation إطلاقاً.

5-إقرأ كتير عشان تتعلم وعشان تتعرف على المصطلحات الجديدة، لإنها مهمة جداً فى السوق وإنت بتتعامل مع الناس اللى فاهمه، أو اللى مش فاهمه برده.

6-تقبل وإحترم دايماً إختلاف الاَراء 

7-بس إنت بتتكلم عن ال Marketing أكثر انا عايز أدخل مجال الDigital Marketing ؟
ركز فى ال 5 خطوات الجايين دول بقى…

1-أول حاجة لازم تعملها قبل ما تدخل مجال الDigital Marketing هى إنك تدرس Marketing؛
لازم تفهم يعنى إيه Segmentation ويعنى إيه Targeting، يعنى إيه Consumer behavior ويعنى إيه Need و Demand، يعنى إيه Marketing Message؟.. وهكذا..

بكل بساطه كدا، الناس دلوقتى موجودة Online على Facebook وعلى Youtube فلما تعوز توصلهم حاجة أكيد هتروح المكان اللى هما موجودين فيه دلوقتى، بعد ما تدرس سلوكهم فى المكان دا.
يعنى لو الناس طلعت عاشت فى الفضاء هنروح ندرس السوق هناك ونفهم بيتعاملوا إزاى ونعملهم Marketing عادى جداً.

أتعلم دا منين؟
نزل أى كتاب من دول For free من هنا:
كتاب أساسيات التسويق ل Philip Kotler:
https://1drv.ms/b/s!AqXyBlomKzigb7NXUuMVFtFixKw
كتاب Marketing for Dummies:
https://1drv.ms/b/s!AqXyBlomKzigbjBRByBNVMRqHR4
وإقرأ وإتعلم واحده واحده وإسأل وإعمل Search فى اللى إنت مش عارفه.

2-هنا بنصحك تروح ل Academy.hubspot.com إبدأ بكورس Inbound Marketing وبعدها Social Media course، وبعدها إنت هتعرف تتحرك لوحدك.

3- تابع ال Groups اللى بيتجمع فيها الMarketers وشوف وإتعلم، وزى ما إتفقنا مفيش حد كلامه إلزامى أو قانون، أمثلة:
-سوشيال ميدياوى – Social mediawy
-صناع المحتوى – content crafters
-Marketers of Egypt
4-مصادر مختلفة:

إقرأ هنا لو عايز دماغك تبقى معجونة Marketing:
sethgodin.com

لما تحب تتعلم Facebook Marketing روح هنا:
facebookblueprint.com

لما تحب تتعلم Instagram Marketing روح هنا:
business.instagram.com

لما تحب تتعلم Google Ads روح هنا:
landing.google.com/academyforads

لما تحب تتعلم Content Marketingروح هنا:
ContentMarketingInstitute.com

لما تحب تتعلم SEOروح هنا:
moz.com
أو هنا:
neilpatel.com

لو عايز Templates تساعدك فى الشغل هتلاقي هنا:
smartinsights.com

5-بعد ما تلاقى نفسك بدأت تفهم الدنيا شوية ودا ممكن يحصل بعد الخطوة التانية حاول تنزل تدرب فى شركة مع حد بيفهم حتى لو من غير فلوس فى البداية.

6- إوعى تبطل تتعلم 

Leave a Reply

Your email address will not be published.