Home تقنية إزاى تختار الـCall To Action، اللى تحققلك أفضل نتيجة
تقنية - 26 March، 2019

إزاى تختار الـCall To Action، اللى تحققلك أفضل نتيجة

إزاى تختار الـCall To Action، اللى تحققلك أفضل نتيجة؟!

خلينا نقول الأول، يعنى إيه Call To Action

الCall To Action ببساطه هى الفعل اللى إنت بتوجه الشخص إنه يعمله، بعد ما يستقبل رسالة تسويقية معينة منك، أياً كان نوع وشكل الرسالة دى.

-وإختصار Call To Action هو CTA عشان هتقابلها فى وسط الكلام.

البوست دا متقسم جزئين.
-الجزء الأول هو مفاهيم مغلوطة عن الـCall to Action، وتصحيح للمفاهيم دى.
-الجزء التانى هو مجموعة توصيات تعملها عشان تعرف تختار أفضل Call To Action فى ال Case بتاعتك.

الجزء الأول – مفاهيم مغلوطة عن الـCall to Action:

1-الـ Call To Action هى إعمل like أو Share أو Comment؛
لا مش لازم أبداً الشخص يعمل حاجة من دول، الحقيقية إن الAction أو الفعل اللى إنت عايز الشخص يعمله بعد ما يقرأ رسالتك التسويقية بيتحدد بناءاً على الobjective بتاعك، يعنى لو إنت عايز الشخص يسقفلك “حرفياً” بعد ما يشوف رسالتك دى، يبقى المفروض إنك توجهه إنه يسقفلك.

2-الـ Call To Action لازم تكون كلام مكتوب؛
لا مش لازم تكون كلام مكتوب، الـ Call To Action ممكن تكون على شكل Button وإنت عايز الشخص يودس على الButton دا.
أمثلة:
-Reactions button.
-Share button.
-Confirm button.
-sign up button.
-Learn more button.
-Call us button

3-الـ Call To Action لازم يكون واضح إنها Call To Action سواء كتابة أو Button؛
لا مش لازم، ممكن جداً تكون عايز الشخص بس يفكر أكثر فى الحاجة اللى إنت بتكتبها لو دا هدفك من الpiece of content دى، ومن خلال رسالتك للAudience قادر توصله إن فيه حاجات كتير مختلفة هو ميعرفش عنها حاجة ودا يدعوه للتفكير.

طب انا هستفاد إيه لما يفكر؟
لو انا فى الstrategy بتاعتى مجهز مراحل عايز الAudience يمر بيها، عشان لما أنزل الproduct بتاعى يكون هو Aware فعلياً بالمشكلة اللى بيحلها المنتج دا.
هنا الAction اللى كنت عايزه منه إنه يفكر بس فى المشكلة عشان لما يشوف الحل قدامه يجري عليه.

4-الـ Call To Action لو قررت إنى أكتبها، لازم تكون واضحة، يعنى لو عايز حد يتابع الposts اللى انا بكتبها، لازم أقوله تابعنى الفترة اللى جاية هتكلم عن كذا؛
برده مش لازم، الموضوع ممكن يكون ضمنى أو مكتوب بطريقة مختلفة.

مثال:
قبل كدا نزلت مجموعة من الposts بتتكلم عن “ليه الناس بتشترى؟” وكنت بكتب الheadline بتاع الpost “ليه الناس تشترى- الجزء الأول” – “ليه الناس تشتري الجزء الثانى وقبل الأخير”

بالتالى الناس فهمت فى أول مرة إن فيه جزء ثانى، وفى ثانى مرة فهمت إن فيه جزء ثالث وأخير وتابعت السلسلة، هنا انا كان ممكن أقول تابعونى المرة اللى جاية وكانت هتؤدى لنفس المعنى، لكن الطريقة اللى نفذتها بيها جابت نتيجة كويسة.

**طبعاً فى الكلام اللى في الجزئية دي، مش معنى إنه مش لازم إنه مينفعش تعمل كدا، لا طبعاً كل Case بتختلف عن التانية، ودا يودينا للجزء الثانى**

الجزء الثانى – مجموعة توصيات تعملها عشان تعرف تختار أفضل Call To Action فى ال Case بتاعتك:

1-حدد الـ Objective من الـ Piece of content اللى إنت هتكتبها قبل ما تكتب فيها حرف، عشان تعرف تجهز CTA تتوافق مع الـ Objective الأساسي بتاعك، وإلا كل اللى هتكتبه مش هيبقى ليه لازمة.

2-إفهم الـ Behaviour بتاع الAudience فى المكان اللى إنت هتوصل من خلاله رسالتك ليه، عشان تعرف تختار أفضل Call To Action؛
يعنى مثلاً لو الشخص على Facebook الCTA ممكن تختلف عن Instagram، عن إنه يشوف الإعلان فى الشارع.

3-لازم تعرف الAudience دا موجود فى أى مرحلة فى الBuyers journey، هل فى مرحلة الـ Awareness ولا الـ Consideration ولا الـ Decision عشان تعرفه تعرف تختار الCTA اللى توجهه يدخل فى المرحلة اللى بعدها.

4-خليك حريص إن كل الElements الموجودة فى الPiece of content اللى هتجهزها سواء كانت كلام أو صور أو أى حاجة تانية، تكون بتوجه الشخص فى النهاية إنه يروح لل Action اللى إنت عايزه.

5-حاول على قد ما تقدر إنه ميباقش فى أكثر من Two actions إنت عايز الشخص يعملهم بعد ما يشوف ال piece of content بتاعتك، عشان ميحصلهوش تشتت وميعملش حاجة خالص.

6-شجع الAudeince إنه ياخد الAction فى أسرع وقت، عشان الUser بينسى ولو مفيش Action حقيقي عمله بعد ما شاف ال piece of content بتاعتك، ممكن بسهولة يلاقى حد تانى غيرك يجذب إنتباهه.

7-الCreativity فى إستخدام الCall to Actions مرتبطه بإن الشخص يفهم فعلاً اللى إنت عايزه ويروح ياخد الAction، يعنى لو الجمهور بتاعك بيحب الرسالة تكون مباشرة خليها مباشرة، يعنى متحاولش تعمل حاجة عبقرية متعملتش قبل كدا، والموضوع يضرب منك فى الأخر.

أخيراً دا Blog ل Hubspot Academy فيه 31 مثال مختلف عن الـ Call To Action:
https://bit.ly/2L5kfsL

Leave a Reply

Your email address will not be published.