Home خواطر واشعار أنا مش درويش – بقلم : أمير أباظة
خواطر واشعار - 12 February، 2019

أنا مش درويش – بقلم : أمير أباظة

“أنا مش درويش”

زي البناويت مهي فكراني
أنا واحد فاشل وأناني
مستهتر وقت أما بعاني
بشتري ف حاجات لية بيعاني / وببيع ف حاجات تتمنى القرب
بضحك من قلبي ف وقت الضرب
وبعيط وقت ما أكون فرحان
معجون تقريبا بالأحزان
وإخترت الإسود م الألوان
سيبتلكوا الأبيض تشبعوا بية
إبليس بيزورني ف هيئة بيه
بديلة كورسات إزاي يضحك
وإزاي مايبنش بإنة شيطان
ويداوي الناس ويبات تعبان
أنا مش غلبان / ولكني بعيش
“أنا مش درويش”
ولا ليا جناح ولا بعرف أطير
محبوس ف قفص زي العصافير
أصحابي أهو ملوا من التبرير
وإزاي نساي
وإزاي برتاح وأنا وبعزف ناي
وبعاند لية وبحب الشاي
وبسيب النار تحرق وتزيد
وإزاي البعد دا حل مفيد
والنوم بيريح يوم العيد
بظهر للكل بإني شديد / وأنا أضعف شئ ممكن تلقاه
أنا واحد تاه مش لاقي سبيل
ولا أي دليل ع حب الليل / والخوف م الفجر
أوقات برتاح جداا للهجر
بعمل ف الخير وأستنى الأجر / أو البقشيش
“أنا مش درويش”
ولا ليا ف سكة مولانا
الفاسد أصبح أولانا
والكمل يكمل إلا أنا
برجع من نص السكة وأغيب
وحبيبتي تخافني كأني الديب
بتقول مليت أمسك وتسيب
ف هسيب المرادي / وهمشي
وأهي عيني إتخانقت مع رمشي
حرمت وقلبي ماحرمشي
ف طلبت التوبة من المولى
بكتبني وأنا ف آخر جولة
وأهو فاضل ف القلب محاولة / وهخش الجيش
ف ضروري الناس تعرف إني
والله يا خلق
“أنا مش درويش”

بقلم : أمير أباظة

Leave a Reply

Your email address will not be published.